ଲର୍ଡ୍ସ : ରବିବାର ଐତିହାସିକ ଲର୍ଡ୍ସ ଗ୍ରାଉଣ୍ଡରେ ପାକିସ୍ତାନ-ଦକ୍ଷିଣ ଆଫ୍ରିକା ମଧ୍ୟରେ 30ତମ ବିଶ୍ବକପ ମ୍ୟାଚ ଆରମ୍ଭ ହୋଇଯାଇଛି । ପାକିସ୍ତାନ ଟସ୍ ଜିତି ପ୍ରଥମେ ବ୍ୟାଟିଂର ନିଷ୍ପତ୍ତି ନେଇଛି । ଆଜିର ମ୍ୟାଚ ପାକିସ୍ତାନ ଜିତି ସେମିଫାଇନାଲ ଆଶା ଉଜ୍ଜୀବିତ ଲକ୍ଷ୍ୟରେ ଗ୍ରାଉଣ୍ଡକୁ ଓହ୍ଲାଇଛି ।
ଆଜିର ମ୍ୟାଚରେ ପାକ୍ ଟିମ୍ରେ ସାମିଲ ହୋଇଛନ୍ତି ଶାହିନ ଆଫ୍ରିଦି, ହାରିସ ସୋହେଲ । ସେହିପରି ଫାଫ୍ ଡୁପ୍ଲେସିଙ୍କ ଟିମ୍ରେ ଆହତ ପରେ ଲୁଙ୍ଗି ଏଙ୍ଗିଡ଼ି କମ୍ବ୍ୟାକ କରିଛନ୍ତି ।
ତେବେ 6ଟି ମ୍ୟାଚ ଖେଳି ଗୋଟିଏ ବିଜୟ, 4ଟି ପରାଜୟ ଓ ଗୋଟି ଏ ବିନା ଫଳାଫଳ ସହ 3 ପଏଣ୍ଟ ରଖି 8ମ ସ୍ଥାନରେ ରହିଛି ଦକ୍ଷିଣ ଆଫ୍ରିକା । ସେହିପରି 5ଟି ମ୍ୟାଚରୁ ସମାନ ବିଜୟ, 3ଟି ପରାଜୟ ଓ ଗୋଟିଏ ବିନା ଫଳାଫଳ ସହ ସମାନ ପଏଣ୍ଟ ପାଇ 9ମ ସ୍ଥାନରେ ରହିଛି ପାକିସ୍ତାନ ।
ପାକିସ୍ତାନ ଏକାଦଶ ଦଳ: ସର୍ଫରାଜ ଅହମ୍ମଦ (ଅଧିନାୟକ), ଫକର ଜମାନ, ଇମାମ ଉଲ ହକ, ବାବର ଆଜମ, ହାରିସ ସୋହେଲ, ଶଦାବ ଖାଁ, ମହମ୍ମଦ ହାଫିଜ, ଶାହିନ ଶାହ ଆଫ୍ରିଦୀ, ଓ୍ବାହାବ ରିୟାଜ, ମହମ୍ମଦ ଆମୀର, ଇମାଦ ଓ୍ବାସିମ
ଦକ୍ଷିଣ ଆଫ୍ରିକା ଏକାଦଶ ଦଳ: ଫାଫ୍ ଡୁପ୍ଲେସି (ଅଧିନାୟକ), କ୍ୱିଣ୍ଟନ ଡିକକ୍, ହାସିମ ଅମଲା,ଏଡେନ ମାରକ୍ରାମ,ରାସି ଭାନ ଡେର ଡୁସେନ, ଡେଭିଡ ମିଲର, ଆଣ୍ଡିଲ ଫେଲୁକ୍ୱାୟୋ, କ୍ରିସ୍ ମୋରିସ୍,କାଗିସୋ ରାବାଡ଼ା,ଲୁନଗି ଏନ୍ଗିଡି, ଇମ୍ରାନ ତାହିର
