ନୟାଗଡ଼: ଜିଲ୍ଲାରେ କୋରୋନା ସ୍ଥିତି ଦିନକୁ ଦିନ ଜଟିଳ ହେବାରେ ଲାଗିଛି l ମାତ୍ର ଅମାନିଆଙ୍କ ସଂଖ୍ୟା ମଧ୍ୟ କମିବା ପରିବର୍ତ୍ତେ ବଢିବାରେ ଲାଗିଛି l
ସଂକ୍ରମିତଙ୍କ ସଂଖ୍ୟା ବଢ଼ିବା ସହ ଜିଲ୍ଲାରେ ସୋମବାର 225 ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି l ଏହି ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ପ୍ରାୟ 3 ହଜାର ସକ୍ରିୟ ମାମଲା ରହିଥିବା ଜଣାଯାଇଛି l ହୁ ହୁ ହୋଇ ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବା ବେଳେ ପରିସ୍ଥିତି ଗମ୍ଭୀର ହେବାରେ ଲାଗିଛି l
ଜିଲ୍ଲାରେ ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଉଛି l ଭାପୁର ବ୍ଲକରୁ 15, ଦଶପଲ୍ଲାରୁ 52, ଗଣିଆରୁ 1, ଖଣ୍ଡପଡାରୁ 7, ନୟାଗଡ଼ରୁ 37, ନୂଆଗାଁରୁ 29, ଓଡଗାଁରୁ 37, ରଣପୁରରୁ 21 ଏବଂ ଜିଲ୍ଲା ବାହାରୁ 26 ଜଣ ପଜିଟିଭ ଚି଼ହ୍ନଟ ହୋଇଛନ୍ତି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
