ଭୁବନେଶ୍ବର: 5ମ ଥର ସରକାର ଗଠନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତେବେ ନୂଆ ସରକାରରେ ମନ୍ତ୍ରୀ ଭାବେ ଦାୟିତ୍ୱ ନେଇଥିବା ମନ୍ତ୍ରୀ ମାନଙ୍କୁ ଅଫିସ ମିଳିଯାଇଛି । ଆଉ କିଛି ମନ୍ତ୍ରୀ ମାନଙ୍କ କ୍ଵାର୍ଟର କାମ ଚାଲିଛି ।
ଯେଉଁ ମାନଙ୍କୁ କ୍ଵାର୍ଟର ମିଳି ଯାଇଛି ସେମାନେ ସୋମବାର ଦିନ ପୂଜାର୍ଚ୍ଚନା କରିବାର ଦେଖିବାକୁ ମିଳିଥିଲା । ପରିବହନ ମନ୍ତ୍ରୀ ଭାବେ ଦାୟିତ୍ଵ ନେଇଥିବା ପଦ୍ମନାଭ ବେହେରା ଆଜି ହୋମ ଯଜ୍ଞ କରିଥିଲେ । ଏହା ସହ ଆଠଗଡର ବିଧାୟକ ତଥା ନବୀନଙ୍କ ମନ୍ତ୍ରୀ ମଣ୍ଡଳରେ ନୂତନ ମନ୍ତ୍ରୀ ହୋଇଥିବା ରାଜା ସ୍ଵାଇଁ ମଧ୍ୟ ପୂଜାର୍ଚ୍ଚନା କରିଛନ୍ତି । ବୁଦ୍ଧଦେବଙ୍କ ମୂର୍ତ୍ତିକୁ ମୁଣ୍ଡିଆ ମାରି କାର୍ଯ୍ୟ ଆରମ୍ଭ କରିଥିବା ମନ୍ତ୍ରୀ ରାଜା ସ୍ଵାଇଁ କହିଛନ୍ତି । ଏଥିସହ ମନ୍ତ୍ରୀ ପଦ୍ମନାଭ ବେହେରାଙ୍କ ପତ୍ନୀ କହିଛନ୍ତି ଯେ , ଲୋକଙ୍କ ସେବା କରିବା ପାଇଁ ଭଗବାନଙ୍କ ଆର୍ଶୀବାଦ ଭିକ୍ଷା କରିଛୁ ।
ଅନ୍ୟପଟେ ନବୀନଙ୍କ ମନ୍ତ୍ରୀମଣ୍ଡଳରେ ସାମିଲ ହୋଇଥିବା ଟୁକୁନି ସାହୁ ତାଙ୍କ କ୍ଵାର୍ଟର କାର୍ଯ୍ୟ କେତେବାଟ ଆଗେଇଛି ତାହାର ତଦାରଖ କରିଛନ୍ତି ।
ସୂଚନା ଅନୁସାରେ, ମନ୍ତ୍ରୀ ମାନଙ୍କୁ କ୍ଵାର୍ଟର ମିଳିନଥିବା ହେତୁ ଗେଷ୍ଟ ହାଉସ ଓ ନିଜ ବାସଭବନରେ ସରକାରୀ କାମ କରୁଥିବାର ଦେଖିବାକୁ ମିଳିଥିଲା ।
ଏହା ସହ ଏବେ ମନ୍ତ୍ରୀମାନଙ୍କ ଉପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନଜର ରହିଛି । ପୂର୍ବରୁ ବର୍ଷକୁ ଥରେ ରିପୋର୍ଟ ଦେଉଥିବା ବେଳେ ଏବେ ମାସକୁ ଥରେ ନିଜ ବିଭାଗର ରିପୋର୍ଟ ଦେବେ ମନ୍ତ୍ରୀ ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
