ଜଗତସିଂହପୁର: ତିନି ଦିନ ଧରି ଚାଲିଥିବା ଓଡିଆଙ୍କ ରଜ ଉତ୍ସବର ଆଜି ଶେଷ ଦିନ । ରଜ ପାନ ଖିଆ ସାଙ୍ଗକୁ ପୋଡ ପିଠା ଆଉ ଦୋଳି ଗୀତରେ କମ୍ପୁଥିଲା ଗାଁ ଠାରୁ ସହର । ହାତରେ ମେହେନ୍ଦୀ, ପାଦରେ ଅଳତା ଆଉ ନୂଆ ପୋଷାକ ପିନ୍ଧି କୁମାରୀମାନେ ରଜ ଦୋଳିର ମଜା ନେଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ଜଗତସିଂହପୁର
ଏହି କ୍ରମରେ ଜଗତସିଂହପୁର ଜିଲ୍ଲାରେ ରଜ ଉତ୍ସବ ପାଳନ କରାଯାଇଛି । 3 ଦିନ ବ୍ୟାପୀ ଜିଲ୍ଲାର ଶ୍ରୀକୃଷ୍ଣ ଏକାଡେମୀ ପଡିଆରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମର ଶେଷ ଦିନରେ ହଜାର ହଜାର ଲୋକେ ସାମିଲ ହୋଇଥିଲେ । ଏଥିସହିତ ଦୋଳି ଖେଳିବା ସହ ରଜ ପାନ ଓ ପିଠା ପ୍ରତିଯୋଗିତାରେ ଜିଲ୍ଲାର ମହିଳାମାନେ ଭାଗ ନେଇଥିଲେ । ଏହା ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
