ଲଣ୍ଡନ: ରବିବାର ଖେଳାଯିବ ଚଳିତ ବିଶ୍ବକପର ହାଇଭୋଲଟେଜ୍ ମ୍ୟାଚ । କ୍ରିକେଟ ବିଶ୍ବକପରେ ମୁହାଁମୁହିଁ ହେବେ ଭାରତ ଓ ପାକିସ୍ତାନ । ଦୁଇ ପାରମ୍ପରିକ ପ୍ରତିଦୋନ୍ଦ୍ବୀ କ୍ରିକେଟ ପଡିଆରେ ପରସ୍ପରକୁ ଭେଟିବେ । ଏହି ମ୍ୟାଚକୁ ବିଶ୍ବକପର ସବୁଠୁ ବଡ ମୁକାବଲା କୁହାଯାଉଛି । ତେବେ ମ୍ୟାଚ ପୂର୍ବରୁ ଭାରତୀୟ କ୍ୟାପଟେନ ବିରାଟ କୋହଲି ସାମ୍ବାଦିକ ସମ୍ମିଳନୀରେ ଅନେକ ଗୁରୁତ୍ବପୂର୍ଣ୍ଣ କଥା କହିଛନ୍ତି ।
ଦୁଇ ଦେଶର ପ୍ରଶଂସକ ଏହି ମ୍ୟାଚକୁ ଉତ୍କଣ୍ଠାର ସହ ଅପେକ୍ଷା କରିଛନ୍ତି ବୋଲି ବିରାଟ କହିଛନ୍ତି । ଦର୍ଶକ ମ୍ୟାଚର ମଜା ଉଠାନ୍ତୁ । କିନ୍ତୁ ଭାରତୀୟ ଦଳ ଏହି ମ୍ୟାଚକୁ ଏକ ସାଧାରଣ ମ୍ୟାଚ ଭାବି ଖେଳିବ । ସମସ୍ତ ଖେଳାଳି ନିଜର ଶ୍ରେଷ୍ଠ ପ୍ରଦର୍ଶନ କରିବେ । ମ୍ୟାଚ ଜିତିବା ଆମର ପ୍ରାଥମିକତା ହେବ ବୋଲି ବିରାଟ କହିଛନ୍ତି ।
ଏହା ସହ ଭାରତ ବିଶ୍ବକପ ଜିତିବକୁ ଲକ୍ଷ୍ୟା ରଖିଛି । ପାକିସ୍ତାନ ବିପକ୍ଷ ମ୍ୟାଚ ଜିତିଗଲେ ହେବନାହିଁ । ତେଣୁ ଦଳର ରଣନୀତି ବିଷୟରେ ସମସ୍ତ ଖେଳାଳି ଅବଗତ ଅଛନ୍ତି ବୋଲି ବିରାଟ କହିଛନ୍ତି । ମ୍ୟାଚର ଟିକେଟକୁ ନେଇ ସାମ୍ବାଦିକ ଙ୍କ ପ୍ରଶ୍ନର ଉତ୍ତରରେ ବିରାଟ କହିଥିଲେ ଯେ ସବୁବନ୍ଧୁଙ୍କୁ ଟିକେଟ ଦେବା ସମ୍ଭବ ନୁହେଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
