ରାଉରକେଲା: ଚଳିତ ବିଶ୍ବକପର ଆଜି ସବୁଠାରୁ ଆକର୍ଷଣୀୟ, ଅବିଶ୍ବସନୀୟ, ରୋମାଞ୍ଚିତ ମ୍ୟାଚ ଦେଖିବାକୁ ମିଳିବ । କାରଣ ଆଜି ଚଳିତ ବିଶ୍ବକପର ଦୁଇ ଏସିଅ ମହାଶକ୍ତି ଚିର ପ୍ରତିଦ୍ବନ୍ଦ୍ବୀ ଭାରତ ପାକିସ୍ତାନ ମଧ୍ୟରେ ଲଢେଇ ହେବ । ଆଉ ଆଜିର ମ୍ୟାଚ ଦେଖିବାକୁ ଖାଲି ଉଭୟ ଦେଶର ଦର୍ଶକ ନୁହଁନ୍ତି ସାରା ବିଶ୍ବର କ୍ରିକେଟ ପ୍ରେମୀ ଅପେକ୍ଷା କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ଆଜିର ଏହି ହାଇ ଭୋଲଟେଜ ମ୍ୟାଚ ପାଇଁ ଦୁଇଦେଶର ସାଧାରଣ ଜନତା, କ୍ରିକେଟ ପ୍ରେମୀ, ରାଜନେତା, ସେଲିବ୍ରିଟିଙ୍କ ସମେତ ବିଭିନ୍ନ ବର୍ଗର ଲୋକ ଉତ୍ସୁକତାର ସହ ଅପେକ୍ଷା କରିଛନ୍ତି । ଆଉ ନିଜ ନିଜ ଦେଶର ବିଜୟ ପାଇଁ ଆରମ୍ଭ ହୋଇଯାଇଛି ପୂଜାପାଠ, ଶୁଭେଛ ଆଉ ଶୁଭକାମନା ।
ସେହି କ୍ରମରେ ରାଉରକେଲାରେ ମଧ୍ୟ ଭାରତୀୟ ଦଳର ବିଜୟ ପାଇଁ ଚାଲିଛି ଚିୟର ଅପ୍ । ସହରର ବିଭିନ୍ନ ଖେଳ ପଡିଆରେ ଖେଳାଳି ମାନେ ଏକତ୍ରିତ ହୋଇ ଭାରତୀୟ ଦଳକୁ ଚିୟର ଅପ୍ କରୁଛନ୍ତି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
