ନୂଆଦିଲ୍ଲୀ: ପୂର୍ବତନ ଭାରତୀୟ କ୍ୟାପଟେନ ମହେନ୍ଦ୍ର ସିଂହ ଧୋନିଙ୍କୁ ଦ୍ରୁତ ବୋଲର ଦୀପକ ଚହରଙ୍କ ପ୍ରଶଂସା । ଚହର ଆଇପିଏଲରେ ଧୋନିଙ୍କ ନେତୃତାଧୀନ ଚେନ୍ନାଇ ସୁପର କିଙ୍ଗ୍ସର ପ୍ରମୁଖ ବୋଲର ।
ଧୋନିଙ୍କ ଯୋଗୁଁ ଜଣେ ପାୱାର ପ୍ଲେ ବୋଲର ହୋଇପାରିଥିବା କହିଛନ୍ତି ଚହର । ଟିମ ଇଣ୍ଡିଆର ଆଗାମୀ ଶ୍ରୀଲଙ୍କା ଗସ୍ତରେ ସୀମିତ ଓଭର ସ୍କ୍ବାଡରେ ଦୀପକ ଚହର ପ୍ରମୁଖ ଦାବିଦାର ବୋଲର ରହିଛନ୍ତି ।
ନୂଆ ବଲରେ ସୁଇଁ କରିବାରେ ମାହିର ଚହର । ଫଳରେ ସ୍ଥଗିତ ହୋଇଥିବା ଆଇପିଏସ 2021ର ଏକ ମ୍ୟାଚରେ ଧୋନି, ଚହରଙ୍କୁ ଗୋଟିଏ ଥରକରେ 4 ଓଭର ବୋଲିଂ କରାଇ ସ୍ପେଲ ଶେଷ କରିଥିଲେ । ଚହର ମଧ୍ୟ କ୍ୟାପଟେନଙ୍କୁ ନିରାଶ ନ କରି 4ଟି ୱିକେଟ ହାସଲ କରିବା ସହ ପ୍ରତିପକ୍ଷ ଟିମର ବ୍ୟାଟିଂ ବିପର୍ଯ୍ୟୟ ଘଟାଇଥିଲେ ।
ପଞ୍ଜାବ କିଙ୍ଗ୍ସ ବିପକ୍ଷରେ 4 ଓଭରରେ ମାତ୍ର 13 ରନ ବ୍ୟୟରେ 4 ୱିକେଟ ଓ କୋଲକାତା ନାଇଟ ରାଇଡର୍ସ ବିପକ୍ଷରେ 29 ରନ ବ୍ୟୟରେ 4 ୱିକେଟ ହାତେଇଥିଲେ ।
ଫଳରେ ଟି20 କ୍ରିକେଟରେ ଜଣେ ଦକ୍ଷ ଓ ଘାତକ ବୋଲିଂ ହେବାରେ ଧୋନିଙ୍କୁ ଶ୍ରେୟ ଦେଇଛନ୍ତି ଚହର ।
ବ୍ୟୁରୋ ରିପୋର୍ଟ, ଇଟିଭି ଭାରତ
