କୋରାପୁଟ: ଜିଲ୍ଲା ପୋଲିସ ହାତରେ ଦୁର୍ଦ୍ଦାନ୍ତ ମାଓ ମିଲିସିଆ ଜୟରାମ ଖିଲ । ଜୟରାମକୁ ପାଡୁଆ ଥାନା ତଳକଣ୍ଡାପାଲି ଗ୍ରାମରୁ ଗିରଫ କରିଛି କୋରାପୁଟ ପୋଲିସ । ଏସମ୍ପର୍କରେ ଜିଲ୍ଲା ଆରକ୍ଷୀ ଅଧୀକ୍ଷକ କନୱର ବିଶାଳ ସିଂ ସୂଚନା ଦେଇଛନ୍ତି ।
ଭିଡିଓ ସୌଜନ୍ୟ :ସମ୍ବାଦଦାତା, କୋରାପୁଟ
ସୂଚନାନୁସାରେ ଅନେକ ହତ୍ୟାକାଣ୍ଡ ମାମଲାରେ ଜୟରାମର ସମ୍ପୃକ୍ତି ରହିଛି । ହାତିବାରି ପଞ୍ଚାୟତ ସରପଞ୍ଚ ଜଗନ୍ନାଥ ଖରା ହତ୍ୟାକାଣ୍ଡ ସମେତ ଆନ୍ଧ୍ରର ଆରାକୁ ନିକଟସ୍ଥ ଡୁମୁରିଗୁଡା ଠାରେ ହୋଇଥିବା ବିଧାୟକ ସର୍ବେଶ୍ୱର ରାଓ ଏବଂ ପୂର୍ବତନ ବିଧାୟକ ସିବେରୀ ସୋମା ହତ୍ୟାକାଣ୍ଡରେ ମଧ୍ୟ ତାର ହାତ ରହିଛି । ଗିରଫ ପରେ ଓଡିଶା ପୋଲିସ ତାକୁ କୋରାପୁଟ ଏସଡିଜେଏମ କୋର୍ଟରେ ହାଜର କରି ଜେଲ୍ ପଠାଇଛି । ତେବେ ଏନଆଇଏ ଜୟରାମକୁ ରିମାଣ୍ଡରେ ନେବ ବୋଲି ସୂଚନା ମିଳିଛି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
