କଳାହାଣ୍ଡି: ସନ୍ଦେହଜନକ ଅବସ୍ଥାରେ ଯୁବକଯୁବତୀଙ୍କ ମୃତଦେହ ଉଦ୍ଧାର ହୋଇଛି । ଏଭଳି ଅଭାବନୀୟ ଘଟଣା ଘଟିଛି ଆମପାଣି ଥାନା ଡୁଡୁକାଠେଙ୍ଗା ଗ୍ରାମରେ । ମୃତ ଯୁବକଙ୍କ ନାମ ନିରଞ୍ଜନ ଲହଜଳ ବୋଲି ଜଣାପଡିଥିବାବେଳେ ଯୁବତୀଙ୍କ ପରିଚୟ ମିଳିପାରିନାହିଁ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ତେବେ ନିରଞ୍ଜନଙ୍କ ମୃତଦେହ ଗଛରେ ଝୁଲନ୍ତା ଅବସ୍ଥାରେ ମିଳିଥିବା ବେଳେ ଯୁବତୀଙ୍କ ମୃତଦେହ ନିକଟରେ ଥିବା ଏକ ବିଲରୁ ଉଦ୍ଧାର କରାଯାଇଛି । ଉଭୟ ପ୍ରେମୀଯୁଗଳ ବୋଲି ସ୍ଥାନୀୟ ଲୋକେ ସନ୍ଦେହ କରୁଥିବାବେଳେ ଏହା ହତ୍ୟା ନା ଆତ୍ମହତ୍ୟା ଜାଣିବାକୁ ପୋଲିସ ତଦନ୍ତ ଜାରି ରଖିଛି । ସେପଟେ ଉଭୟଙ୍କ ବ୍ୟବଚ୍ଛେଦ ରିପୋର୍ଟ ଆସିବା ପରେ ଘଟଣା ସ୍ପଷ୍ଟ ହେବ ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
