ଭୁବନେଶ୍ବର: ସାଧାରଣ ନିର୍ବାଚନ ପରେ କଂଗ୍ରେସ ସାରା ଭାରତରେ ବଡଧରଣର ପରାଜୟ ସାମ୍ନା କରିଛି । ଆଉ ପରାଜୟ ଗ୍ଲାନିରେ ଦଳ ଏବେ ଏକ ପ୍ରକାର ସ୍ତବ୍ଧ । ଦଳକୁ ପରାଜୟ ଝଟକା ଏତେ ଜୋରରେ ଲାଗିଛି ଯେ ଦଳ ଏବେ କୌଣସି ପ୍ରଶ୍ନର ଉତ୍ତର ଦେବା ପରିସ୍ଥିତିରେ ନାହିଁ ।
ତେଣୁ ଦଳ ସର୍ବ ଭାରତୀୟ ସ୍ତରରେ ଗଣମାଧ୍ୟମରେ ଦଳର ଆଭିମୁଖ୍ୟ ରଖୁଥିବା ନିଜର ସମସ୍ତ ପ୍ରବକ୍ତାଙ୍କ ଉପରେ ଏକମାସ ପାଇଁ କଟକଣା ଲଗାଇଛି । ଏହି ଏକମାସ ସମୟ ଭିତରେ ଦଳ ମାନସିକ ଭାବେ ପ୍ରସ୍ତୁତ ହେବା ସହ ପରାଜୟର ସମୀକ୍ଷା କରି ପୁଣିଥରେ ଟିଭି କାର୍ଯ୍ୟକ୍ରମ ବିତର୍କକୁ ଫେରିବ ବୋଲି ଦଳ କହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଏନେଇ ଦଳର ରାଷ୍ଟ୍ରୀୟ ମୁଖପାତ୍ର ରଣଦୀପ ସୂର୍ଯେୱାଲା ଗତକାଲି ଟ୍ବିଟ ଯୋଗେ ସମସ୍ତ ଗଣମାଧ୍ୟମକୁ ଜଣାଇଛନ୍ତି । ତେବେ ଏହି କଟକଣା ଓଡିଶାରେ ମଧ୍ୟ ଲାଗୁ ହେବ ବୋଲି ଦଳର ରାଜ୍ୟ ପ୍ରଭାରୀ ଓ ସହ- ପ୍ରଭାରୀ କହିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
