ନୟାଗଡ଼: ବାଲ୍ୟ ବିବାହ ଉଦ୍ୟମକୁ ପଣ୍ଡ କଲା ଉଦ୍ୟମ କଲା ନୟାଗଡ ଚାଇଲଡ୍ ଲାଇନ୍ । ବାଣିଗୋଚ୍ଛା ଥାନା କୁଳୁରୁକୁମ୍ପା ଗ୍ରାମରେ ଜଣେ 16 ବର୍ଷ ନାବାଳିକାର ବିବାହ ପାଇଁ ପ୍ରସ୍ତୁତି ଚାଲିଥିଲା । ବିଶେଷ ସୂତ୍ରରୁ ଖବର ପାଇଁ ଚାଇଲଡ୍ ଲାଇନ ଏହି ବିବାହକୁ ଅଟକାଇଥିଲା ।
ନାବାଳିକାର ବିବାହ ପାଇଁ ଘରକୁ ବନ୍ଧୁବାନ୍ଧବ ଆସି ସାରିଥିଲେ । ଭୋଜିଭାତ ମଧ୍ୟ ରନ୍ଧା ସରିଥିଲା । ଖାଲି ଅପେକ୍ଷା ଥିଲା ବର ଘର ଲୋକଙ୍କୁ । ମାତ୍ର ବର ବଦଳରେ ପହଞ୍ଚିଥିଲା ଚାଇଲଡ୍ ଲାଇନ । ବିବାହ କାର୍ଯ୍ୟକୁ ବନ୍ଦ କରିବା ସହ ନାବାଳିକା ପରିବାର ନିକଟରୁ ଏକ ଲେଖା ଆଣିଥିଲେ ।
ସୂଚନାଯୋଗ୍ୟ, ଚଳିତ ମାସରେ 4ର୍ଥ ଥର ପାଇଁ ବାଲ୍ୟ ବିବାହକୁ ଅଟକାଇଛି ଚାଇଲଡ୍ ଲାଇନ୍ । ତେବେ ନାବାଳିକାର ପରିବାର ଲୋକେ ନିଜ ବାନ୍ଧବ ଘରେ ବିବାହ କରୁଥିବା ଅଭିଯୋଗ ହୋଇଛି । ଏଭଳି ଅପରାଧ ପାଇଁ ଆଇନକୁ କଡାକଡି କରିବାକୁ ଚାଇଲଡ ଲାଇନ ଦାବି କରିଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
