ଭୁବନେଶ୍ବର: ଆଜି ହେଉଛି ଓଡିଶାର ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଶ୍ରାଦ୍ଧ ଦିବସ । ସେଥିପାଇଁ ଭୁବନେଶ୍ବର ବିଜେଡି ଦଳ ତରଫରୁ ବିନ୍ଦୁ ସାଗରରେ ସମସ୍ତ ବରିଷ୍ଠ ନେତା ତିଳ ତର୍ପଣ ଅର୍ପଣ କରିଛନ୍ତି ।
ବିଜେଡିର ଅଶୋକ ଚନ୍ଦ୍ର ପଣ୍ଡା, ଅନନ୍ତ ନାରାୟଣ ଜେନା ଙ୍କ ସମେତ ବହୁ ସଂଖ୍ୟାରେ ବିଜେଡି ନେତା କର୍ମୀ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ । ପିତା ଲକ୍ଷ୍ମୀନାରାୟଣ ପଟ୍ଟନାୟକ ଓ ମାତା ଆଶାଲତା ପଟ୍ଟନାୟକଙ୍କ ଔରସରୁ ୧୯୧୬ ମସିହା ମାର୍ଚ୍ଚ ୫ ତାରିଖ ଦିନ କଟକର ତୁଳସୀପୁରଠାରେ ତୃତୀୟ ସନ୍ତାନ ଭାବେ ଜନ୍ମଗ୍ରହଣ କରିଥିଲେ ବିଜୁ ବାବୁ । ଆଉ 1997 ମସିହା ଏପ୍ରିଲ ମାସ 17 ତାରିଖ ଅର୍ଥାତ ଆଜିର ଦିନରେ ସ୍ବର୍ଗତ ବିଜୁ ପଟ୍ଟନାୟକ ଧରାପୃଷ୍ଠରୁ ବିଦାୟ ନେଇଥିଲେ ଏହି ମହାନ ପୁରୁଷ ।
ସୂଚନା ଯୋଗ୍ୟଯେ ନୂଆ ଓଡିଶା ଗଠନର କର୍ଣ୍ଣଧାର ଥିଲେ ବିଜୁ ପଟ୍ଟନାୟକ । ତାଙ୍କରି ମୁଖ୍ୟମନ୍ତ୍ରୀ କାଳରେ ଓଡିଶା ଅନେକ ବିକଶ ହେବା ସହ ରଜ୍ୟରେ ଅନେକ ଶିଳ୍ପ ପ୍ରତିଷ୍ଠା ହୋଇଥିଲା । ବିଜୁ ପଟ୍ଟନାୟକ ଖାଲି ରାଜ୍ୟ ରାଜନୀତିରେ ସୀମିତ ନଥିଲେ ବରଂ ଜାତୀୟ ରାଜନୀତିରେ ମଧ୍ୟ ଅନେକ ପ୍ରଭାବ ବିସ୍ତାର କରିଥିଲେ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
