ମୁମ୍ବାଇ: ମୋଦିଙ୍କ ନିର୍ବାଚନୀ ସଭାରେ ଦେଶର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀଙ୍କୁ ଦେଖିବାକୁ ମିଳିଛି । ଶୁକ୍ରବାର ମୁମ୍ବାଇର ବାନ୍ଦ୍ରା-କୁର୍ଲା କମ୍ପେ୍ଲକ୍ସରେ ଆୟୋଜିତ ସଭାରେ ସାଧାରଣ ଜନତାଙ୍କ ମଧ୍ୟରେ ଅନନ୍ତ ଆଗ ଧାଡିରେ ବସିଥିଲେ । ଅନନ୍ତଙ୍କ କହିବାନୁସାରେ, ମୁଁ ପ୍ରଧାନମନ୍ତ୍ରୀଙ୍କ କଥାକୁ ଶୁଣିବାକୁ ଏବଂ ଦେଶକୁ ସମର୍ଥନ କରିବା ପାଇଁ ଏଠାକୁ ଆସିଛି ।
ସୂଚନାଯୋଗ୍ୟ, ରିଲାଏନ୍ସ ଇଣ୍ଡଷ୍ଟ୍ରିର ଅଧ୍ୟକ୍ଷ ମୁକେଶ ଅମ୍ବାନୀ ବିଗତ ଦିନ ଗୁଡିକରେ ଦକ୍ଷିଣ ମୁମ୍ବାଇ ଆସନରୁ ଲଢୁଥିବା କଂଗ୍ରେସ ପ୍ରାର୍ଥୀ ମିଲିନ୍ଦ ଦେବଡାଙ୍କ ସମର୍ଥନରେ ପ୍ରଚାର କରିଛନ୍ତି । ତେବେ ରାଫେଲ ଡିଲକୁ ନେଇ କଂଗ୍ରେସ ସର୍ବଦା ମୁକେଶଙ୍କ ଭାଇ ଅନିଲକୁ ଟାର୍ଗେଟ୍ କରିଆସୁଛି ।
ଏଭଳି ସ୍ଥିତିରେ ମୁକେଶଙ୍କ କଂଗ୍ରେସକୁ ସମର୍ଥନ କରିବା ଘଟଣା ଏବେ ଦେଶରେ ଚର୍ଚ୍ଚା ସୃଷ୍ଟି କରିଛି ।
