ନବରଙ୍ଗପୁର: ଭାଲୁ ଆକ୍ରମଣରେ ଜଣେ ବୃଦ୍ଧଙ୍କ ମୃତ୍ୟୁ । ଏଭଳି ଅଭାବନୀୟ ଘଟଣା ଘଟିଛି ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ଅମଲାଭଟ୍ଟା ପଞ୍ଚାୟତ ଅନ୍ତର୍ଗତ ଡେଙ୍ଗାଗୁଡା ଗ୍ରାମରେ ।
ସୂଚନା ଅନୁଯାୟୀ, ଡେଙ୍ଗାଗୁଡା ଗ୍ରାମର ଭଗବାନ ଗୌଡ଼( 65 ବର୍ଷ) ଗାଁ ଶ୍ମଶାନ ପାଖରେ ଥିବା ଜଙ୍ଗଲରୁ ଦାନ୍ତକାଠି ସଂଗ୍ରହ ନିମନ୍ତେ ଯାଇଥିବା ବେଳେ ଭାଲୁ ଆକ୍ରମଣର ଶିକାର ହୋଇଥଲେ । ଭଗବାନ ମଧ୍ୟାହ୍ନରେ ଖାଇବାକୁ ଘରକୁ ଫେରି ନଥିବାରୁ ୨ ପୁଅ ଯୁଧିଷ୍ଠିର ଓ ରତନ ଖୋଜାଖୋଜି କରିବା ସମୟରେ ଜଙ୍ଗଲ ମଧ୍ୟରେ ରକ୍ତାକ୍ତ ଅବସ୍ଥା ଦେଖି ଗାଁ ଲୋକଙ୍କୁ ଖବର ଦେଇଥିଲେ । ଖବର ପାଇ ତୁମ୍ବରଲା ସେକ୍ସନର ବନ ପାଳ ଅଶୀଦ କୁମାର ସାହୁ, ବନରକ୍ଷୀ ସୁଶାନ୍ତ କୁମାର ମାଝୀ ଆସିଥିଲେ ଏବଂ ମୃତକଙ୍କ ପରିବାରଙ୍କୁ ସରକାରୀ ସହାୟତା ଯୋଗାଇ ଦେବାକୁ ପ୍ରତିଶୃତି ଦେଇଥିଲେ ।
ନବରଙ୍ଗପୁରରୁ ତପନ ବିଶୋୟୀ, ଇଟିଭି ଭାରତ
