କଟକ: ମାହାଙ୍ଗା ସାଲେପୁର ଅଞ୍ଚଳରେ ନାବାଳିକାକୁ ଗଣଦୁଷ୍କର୍ମ ଅଭିଯୋଗ । ଘରେ କେହି ନଥିବା ବେଳେ 4 ରୁ 5 ଜଣ ଅସାମାଜିକ ବ୍ୟକ୍ତି ମିଶି ନାବାଳିକାକୁ ଦୁଷ୍କର୍ମ କରିଥିବା ମାହାଙ୍ଗା ଥାନାରେ ଅଭିଯୋଗ ହୋଇଛି । ଏହି ମାମଲାରେ ଜଣକୁ ଅଟକ ରଖିଛି ପୋଲିସ ।
ସୂଚନାନୁସାରେ, ମାହାଙ୍ଗା ଥାନା ଅନ୍ତର୍ଗତ ପୁରୁଷୋତ୍ତମପୁର ଗ୍ରାମରେ ବବିତା ଦାସ ଓ ତାଙ୍କର 5 ଜଣ ସନ୍ତାନ ଅନେକ ବର୍ଷ ହେବ ରହି ଆସୁଥିଲେ । ବବିତାଙ୍କ ସ୍ବାମୀଙ୍କ ଦେହାନ୍ତ ପରେ କାମ ଅନ୍ବେଷଣରେ ମା ବାହାରକୁ ଯାଇଥିଲା ବେଳେ ଘରେ ଥିବା ନାବାଳିକା ଝିଅକୁ ଗଣଦୁଷ୍କର୍ମ କରିଥିଲେ ଦୁର୍ବୃତ୍ତ । ତେବେ ଉକ୍ତ ନାବାଳିକା ଜଣଙ୍କ ଚତୁରତାର ସହ ଘଟଣାସ୍ଥଳରୁ ଆସି ବଡ଼ ଭଉଣୀଙ୍କୁ ଫୋନ ଯୋଗେ ସବୁ କିଛି କହିଥିଲେ।
ଏନେଇ ଚଳିତମାସ 25 ତାରିଖରେ ଥାନାରେ ଏତେଲା ଦେବା ପରେ ଏହି ମାମଲାରେ ଜଣକୁ ଅଟକ ରଖିଛି ପୋଲିସ । ତେବେ ଆଉ ବାକି 4 ଜଣକୁ ଶୀଘ୍ର ଗିରଫ କରିବା ନେଇ ଦାବି କରିଛନ୍ତି ପରିବାର ଲୋକେ ଓ ଅନ୍ତରାଷ୍ଟ୍ରୀୟ ମାନବଧିକାର ପରିଷଦ ।
କଟକରୁ ପ୍ରଭୂକଲ୍ୟାଣ ପାଲ, ଇଟିଭି ଭାରତ
