ମାଲକାନଗିରି: ପ୍ରବାସୀଙ୍କ ଫେରିବା ପରେ ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ଦୃତ ଗତିରେ ବଢିବାରେ ଲାଗିଛି । ଏପଟେ ମାଲକାନାଗିରି ଜିଲ୍ଲାରେ ମଧ୍ୟ ସଂକ୍ରମଣ ଥମିବାର ନାଁ ଧରୁନି । ଗୋଷ୍ଠି ସଂକ୍ରମଣ ଯୋଗୁଁ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ତେବେ ଆଜି(ସୋମବାର) ମାଲକାନଗିରି ଜିଲ୍ଲାରେ ପୁଣି ୯୮ ଜଣ ପଜିଟିଭ ଚିହ୍ନଟ ହୋଇଛନ୍ତି । ଏଥି ମଧ୍ୟରୁ ମାଲକାନଗିରି ପୌରାଞ୍ଚଳରେ ୧୭ଜଣ, ବାଲିମେଳା ଏନ ଏ ସି ରେ ୧୬, କାଲିମେଳା ବ୍ଲକରେ ୧୪, ଖଇରପୁଟ ବ୍ଲକରେ ୯, ମାଲକାନଗିରି ବ୍ଲକ ରେ ୧୧,ମାଥିଲି ବ୍ଲକ ରେ ୬ଜଣ, ଚିତ୍ରକୋଣ୍ଡା ବ୍ଲକରେ ୯, କୋରୁକୋଣ୍ଡା ବ୍ଲକରେ ୧୪ଜଣ, ପଡିଆରେ ୨ଜଣ ଚିହ୍ନଟ ହୋଇଛନ୍ତି।
ଆଜିର ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା 1347କୁ ବୃଦ୍ଧି ପାଇଛି । ସେଥି ମଧ୍ୟରୁ 861 ଜଣ ସୁସ୍ଥ ହୋଇଥିବା ବେଳେ 484 ଜଣ ଚିକିତ୍ସିତ ହଉଛନ୍ତି। ଏବଂ ଦୁଇ ଜଣ ମୃତ୍ୟୁବରଣ କରିଥିବା କୁହାଯାଇଛି। ତେବେ ଜିଲ୍ଲାରେ ସଂକ୍ରମଣ ରୋକିବା ପାଇଁ ଜିଲ୍ଲା ପ୍ରଶାସନ ଓ ପୋଲିସ ଦିନ ରାତି ଏକ କରି ଦେଇଛନ୍ତି। ସାମାଜିକ ଦୂରତା ରକ୍ଷା କରିବା ସହ ମୁହଁରେ ମାସ୍କ ପିନ୍ଧିବା ବାଧ୍ୟତାମୂଳକ ଘୋଷଣା କରାଯାଇଛି । ନିୟମ ନ ମାନିଲେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲ୍ଲା ପ୍ରଶାସନ ଟ୍ବିଟ ଯୋଗେ ସୂଚନା ଦେଇଛନ୍ତି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
