ସୁବର୍ଣ୍ଣପୁର: ସୁବର୍ଣ୍ଣପୁରରେ ଏକ ସଡକ ଦୁର୍ଘଟଣାକୁ ନେଇ ରାସ୍ତାରୋକ ହୋଇଛି । ଗତକାଲି ସୁବର୍ଣ୍ଣପୁର- ବଲାଙ୍ଗୀର ରାଜପଥ ଅର୍ଜୁନଡା ଛକ ନିକଟରେ ଏକ ରାସ୍ତା ଦୁର୍ଘଟଣାରେ ସ୍ଥାନୀୟ ନେହେରୁ ବାରିକଙ୍କ ମୃତ୍ୟୁ ହୋଇଥିଲା । ଗତକାଲି ମୃତକ ଖାରୀ ଢାବାରୁ ଖାଇ ବାଇକ ଯୋଗେ ଘରକୁ ଫେରୁଥିବା ସମୟରେ ଏକ ଘରୋଇ ଯାତ୍ରୀବାହୀ ବସ ବାଇକ ସହ ମୁହାଁମୁହିଁ ଧକକା ହୋଇଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ଫଳରେ ଘଟଣାସ୍ଥଳରେ ହିଁ ନେହେରୁ ବାରିକଙ୍କ ମୃତ୍ୟୁ ହୋଇଥିଲା । ନେହେରୁ ବାରିକଙ୍କ ପରିବାର ଓ ଗାଁ ଲୋକେ କ୍ଷତିପୂରଣ ପ୍ରଦାନ ଦାବିରେ ବଲାଙ୍ଗୀର ସୁବର୍ଣ୍ଣପୁର 56 ନମ୍ବର ଜାତୀୟ ରାଜପଥ ଅବରୋଧ କରିଥିଲେ ।
ତରଭା ତହସିଲଦାର ଘଟଣାସ୍ଥଳରେ ପହଞ୍ଚି ରାସ୍ତାରୋକରୁ ହଟିବା ପାଇଁ ପରିବାର ବର୍ଗ ଓ ଗାଁ ଲୋକଙ୍କ ସହିତ ଆଲୋଚନା କରୁଛନ୍ତି । ରାସ୍ତାରୋକ ଫଳରେ ଉଭୟ ପାର୍ଶ୍ବରେ ଯାନବାହନ ଅଟକି ରହିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
