ବାଲେଶ୍ୱର: ଉତ୍ତର ଓଡିଶାର ଚର୍ଚ୍ଚିତ ବିଧାନସଭା ଆସନ ବସ୍ତାରେ ଏବେଠାରୁ ଅନୁଭୂତ ହେଲାଣୀ ନିର୍ବାଚନୀ ତାତି। ଚଳିତ ଏଠାରେ ଦେଖିବାକୁ ମିଳିବ ହାଇଭୋଲଟେଜେ ମୁକାବିଲା । ପ୍ରଥମ ଥର ପାଇଁ ସାମ୍ନାସାମ୍ନି ହେବେଦୁଇ ହେଭିୱେଟ ।
ନିର୍ବାଚନୀ ହାୱା ବହିବା ପରେ ବସ୍ତା ରାଜନୀତି ହୋଇଉଠିଛି ଚଳଚଞ୍ଚଳ । କ୍ରମାଗତ ଭାବେ ଦ୍ବିତୀୟ ଥର ପାଇଁ ବିଜେଡି ଟିକେଟରେ ନିର୍ବାଚନ ମୈଦାନକୁ ଓହ୍ଲାଇଛନ୍ତି ନିତ୍ୟାନନ୍ଦ ସାହୁ । ତାଙ୍କୁ ଏଠାରୁ ଚେକମେଟ ଦେବା ପାଇଁ ବିଜେପିରୁ ପ୍ରାର୍ଥୀ ହୋଇଛନ୍ତି ବସ୍ତାର ପୂର୍ବତନ ବିଧାୟକ ଏବଂ ମନ୍ତ୍ରୀ ରଘୁନାଥ ମହାନ୍ତି । ଯିଏକି ବସ୍ତା ଆସନରୁ ଲଗାତାର 5 ଥର ବିଧାୟକ ଭାବେ ନିର୍ବାଚିତ ହୋଇଥିଲେ । 1990, 1995, 2000,2004, 2009 ନିର୍ବାଚନରେ ବାଜି ମାରିଥିଲେ ରଘୁ ।
'ଇଟିଭି ଭାରତ' ପକ୍ଷରୁ ଚାଲିଥିବା ନେତାଙ୍କୁ ପାଞ୍ଚଟି ପ୍ରଶ୍ନ କାର୍ଯ୍ୟକ୍ରମରେ ଆମେ ଭେଟିଥିଲୁ ବସ୍ତାର ବିଜେଡି ପ୍ରାର୍ଥୀ ନିତ୍ୟାନନ୍ଦ ସାହୁଙ୍କୁ । ନେତାଙ୍କୁ ପାଞ୍ଚଟି ପ୍ରଶ୍ନର ଉତ୍ତର ରଖି ସେ କହିଛନ୍ତି ଯେ, ନିର୍ବାଚନରେ ବିଜୟୀ ହେଲେ ସେ ନିର୍ବାଚନମଣ୍ଡଳୀର ବିକାଶ ସହ କୃଷି, କୃଷି ଭିତ୍ତିକ ଶିଳ୍ପ, ରୋଜଗାର ଏବଂ ନିଯୁକ୍ତି ଉପରେ ଗୁରୁତ୍ବ ଦେବେ । ଏଥର ତାଙ୍କର ନିର୍ବାଚନୀ ସ୍ଲୋଗାନ ରହିଛି 'ବିଜୁ ଜନତା ଦଳକୁ ଭୋଟ ଦିଅ' ।
ଏଥର ବସ୍ତା ଆସନ ପାଇଁ ଲଢେଇ ବେଶ ପ୍ରତିଦ୍ୱନ୍ଦିତାମୂଳକ ହେବ। ଏଥର ଭୋଟର ଏଠାରୁ କାହାକୁ ନିଜର ପ୍ରତିନିଧି ଭାବେ ନିର୍ବାଚିତ କରୁଛନ୍ତି ତାହା ନିର୍ବାଚନୀ ଫଳାଫଳରୁ ସ୍ପଷ୍ଟ ହୋଇଯିବ।
ବାଲେଶ୍ୱରରୁ ଜୀବନ ଜ୍ୟୋତି ନାୟକ, ଈଟିଭି ଭାରତ
