ନୟାଗଡ: ଭାପୁର ବ୍ଲକ ଫତେଗଡ ଥାନା ନିହଲପ୍ରସାଦ ଗାଁରେ ଅଭାବନୀୟ ଘଟଣା ଘଟିଛି । କୂଅରେ ପଡି 2 ଶିଶୁଙ୍କ ମୃତ୍ୟୁ ହୋଇଛି । ମୃତ ଶିଶୁ 2 ଜଣ ହେଲେ ତ୍ରିନାଥ ବେହେରାଙ୍କ ପୁଅ ସୋମନାଥ ବେହେରା ଏବଂ ଟୁରୁନା ବେହେରାଙ୍କ ପୁଅ ରାଜେଶ ବେହେରା ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ
ସୂଚନାନୁସାରେ, ଗାଁ ନିକଟ ସ୍କୁଲ ପାଖରେ 4 ଜଣ ଶିଶୁ ଖେଳୁଥିବାବେଳେ ଅସାବଧାନତା କାରଣରୁ ଏହି 2 ଜଣ ଶିଶୁ କୂଅରେ ପଡି ବୁଡି ଯାଇଥିଲେ । ସେମାନଙ୍କ ସହ ଥିବା ଅନ୍ୟ 2 ଜଣ ଏସମ୍ପର୍କରେ ଗାଁ ଲୋକଙ୍କୁ ଜଣାଇବା ପରେ ଘଟଣାସ୍ଥଳରେ ଗ୍ରାମବାସୀ ପହଞ୍ଚିଥିଲେ । ଉଭୟ ଶିଶୁଙ୍କୁ କୂଅରୁ ଉଦ୍ଧାର କରି ଭାପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ ।
ଉଭୟ ଶିଶୁଙ୍କ ମୃତ୍ୟୁକୁ ନେଇ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି । ତେବେ ମୃତ ଶିଶୁ 2 ଜଣ ସମ୍ପର୍କୀୟ ଭାଇ ବୋଲି ଜଣାପଡିଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
