ଚେନ୍ନାଇ: ଜାତୀୟ ରାଜଧାନୀ ଦିଲ୍ଲୀରେ ଆନ୍ଦୋଳନରତ କୁସ୍ତିଯୋଦ୍ଧାଙ୍କୁ ପୋଲିସ ଯେଉଁଭଳି ଭାବରେ ଉଠାଇ ନେଲା ତାକୁ କଡ଼ା ଭାଷାରେ ନିନ୍ଦା କରିଛନ୍ତି ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ୍ । ଏନେଇ ସେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି । ଗୋଟିଏ ପଟେ ନ୍ୟାୟ ଓ ନିରପେକ୍ଷ ଶାସନର ପ୍ରତୀକ ପବିତ୍ର ସେଙ୍ଗୋଲକୁ ନୂଆ ସଂସଦ ଭବନରେ ସ୍ଥାପିତ ହେଉଥିବା ବେଳେ ଏପଟେ ଦେଶକୁ ଗୌରବାନ୍ବିତ କରିଥିବା ଭାରତୀୟ କ୍ରୀଡାବିତ୍ଙ୍କୁ ରାଜରାସ୍ତାରେ ଘୋଷାଡ଼ିଛି ଦିଲ୍ଲୀ ପୋଲିସ । ଏଣୁ ସ୍ଥାପନର ପ୍ରଥମ ଦିନରେ ହିଁ ପବିତ୍ର ସେଙ୍ଗୋଲ ବଙ୍କା ହୋଇଯାଇଛି ବୋଲି କହିଛନ୍ତି ଷ୍ଟାଲିନ।
-
பாஜக நாடாளுமன்ற உறுப்பினர் ஒருவர் மீது மல்யுத்த வீராங்கனைகள் பாலியல் புகார் சொல்லிப் பல மாதங்கள் ஆகிவிட்டன. அவர் மீது இதுவரை அக்கட்சியின் தலைமை எந்த நடவடிக்கையும் எடுக்கவில்லை. மல்யுத்த வீராங்கனைகள் தொடர்ந்து தலைநகரில் போராடி வருகிறார்கள். இந்திய நாடாளுமன்றத்தின் புதிய கட்டடத்… https://t.co/9azP1YuSKB
— M.K.Stalin (@mkstalin) May 28, 2023 " class="align-text-top noRightClick twitterSection" data="
">பாஜக நாடாளுமன்ற உறுப்பினர் ஒருவர் மீது மல்யுத்த வீராங்கனைகள் பாலியல் புகார் சொல்லிப் பல மாதங்கள் ஆகிவிட்டன. அவர் மீது இதுவரை அக்கட்சியின் தலைமை எந்த நடவடிக்கையும் எடுக்கவில்லை. மல்யுத்த வீராங்கனைகள் தொடர்ந்து தலைநகரில் போராடி வருகிறார்கள். இந்திய நாடாளுமன்றத்தின் புதிய கட்டடத்… https://t.co/9azP1YuSKB
— M.K.Stalin (@mkstalin) May 28, 2023பாஜக நாடாளுமன்ற உறுப்பினர் ஒருவர் மீது மல்யுத்த வீராங்கனைகள் பாலியல் புகார் சொல்லிப் பல மாதங்கள் ஆகிவிட்டன. அவர் மீது இதுவரை அக்கட்சியின் தலைமை எந்த நடவடிக்கையும் எடுக்கவில்லை. மல்யுத்த வீராங்கனைகள் தொடர்ந்து தலைநகரில் போராடி வருகிறார்கள். இந்திய நாடாளுமன்றத்தின் புதிய கட்டடத்… https://t.co/9azP1YuSKB
— M.K.Stalin (@mkstalin) May 28, 2023
ସେଙ୍ଗୋଲ ହେଉଛି ସୁଶାସନ ଓ କ୍ଷମତା ହସ୍ତାନ୍ତର କରିବାର ପ୍ରତୀକ । ଏହାକୁ ରବିବାର ନୂଆ ସଂସଦ ଭବନ ଉଦଘାଟନ ସମାରୋହରେ ବିଲ୍ଡିଂ ମଧ୍ୟରେ ସ୍ଥାପିତ କରାଯାଇଛି । ହେଲେ କ୍ରୀଡାବିତ୍ଙ୍କ ସହ ପୋଲିସ ଯେଉଁଭଳି ବ୍ୟବହାର କରିଛି ସେଥିଲାଗି ବିଜେପି ନେତୃତ୍ବାଧୀନ କେନ୍ଦ୍ର ସରକାରଙ୍କ ଦ୍ବାରା ସ୍ଥାପିତ ହୋଇଥିବା ରାଜଦଣ୍ଡ ସେଙ୍ଗୋଲ ପ୍ରଥମ ଦିନରେ ହିଁ ବଙ୍କା ହୋଇଯାଇଛି ବୋଲି ଷ୍ଟାଲିନ କହିଛନ୍ତି । ଆଜି ନୂଆ ସଂସଦ ଭବନର ଉଦଘାଟନୀ ସମାରୋହ ଥିବା ବେଳେ ଆନ୍ଦୋଳନରତ କୁସ୍ତିଯୋଦ୍ଧାମାନେ ସଂସଦ ଅଭିମୁଖେ ବାହାରିଥିଲେ । ସେଠାରେ ପୂର୍ବ ଯୋଜନା ମୁତାବକ 'ମହିଳାଙ୍କ ମହାପଞ୍ଚାୟତ' ମାଧ୍ୟମରେ ଆନ୍ଦୋଳନ କରିବାର ଯୋଜନା ରହିଥିଲା ।
ଏହି ସମୟରେ କୁସ୍ତିଯୋଦ୍ଧାମାନେ ପୋଲିସର ସୁରକ୍ଷା ବଳୟକୁ ଭେଦି ସଂସଦ ଅଭିମୁଖେ ବାହାରିଥିଲେ । ଏହି ସମୟରେ ପୋଲିସ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିବା ଦେଖିବାକୁ ମିଳିଥିଲା । ଫଳରେ ରାଜପଥ ଉପରେ କୁସ୍ତିଯୋଦ୍ଧା ଭିନେଶ ଫୋଗଟ, ସାକ୍ଷୀ ମଲିକ ଓ ବଜରଙ୍ଗ ପୁନିଆ ତଳେ ପଡ଼ିଯାଇଥିବା ବେଳେ ସେମାନଙ୍କୁ ଉଠାଇ ନେଇଯାଇଥିଲା ପୋଲିସ । ଏହାକୁ ନେଇ ରାଜନୀତି ଆରମ୍ଭ ହୋଇଥିବା ବେଳେ ବିରୋଧୀ ଦଳମାନେ କେନ୍ଦ୍ର ସରକାରଙ୍କୁ ଟାର୍ଗେଟ କରି ସମାଲୋଚିତ କରିଛନ୍ତି । ଭାରତର ଅଲମ୍ପିଆନମାନଙ୍କ ପ୍ରତି ଏଭଳି ବ୍ୟବହାରକୁ କଡା ଭାଷାରେ ନିନ୍ଦା କରାଯାଇଛି ।
ସୂଚନା ଥାଉ କି କୁସ୍ତିଯୋଦ୍ଧା ମହାସଂଘ ସଭାପତି ତଥା ବିଜେପି ସାଂସଦ ବ୍ରିଜଭୂଷଣ ସିଂଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ଆଣି ଗତ ଏପ୍ରିଲ 23 ତାରିଖରୁ ଆନ୍ଦୋଳନରେ ବସିଛନ୍ତି କୁସ୍ତିଯୋଦ୍ଧା । ବ୍ରିଜଭୂଷଣଙ୍କୁ ଗିରଫ କରିବା ଲାଗି ସେମାନେ ଅଡି ବସିଛନ୍ତି । ବ୍ରିଜଭୂଷଣ ନାବାଳିକା କୁସ୍ତିଯୋଦ୍ଧାଙ୍କ ସମତେ ମହିଳା କୁସ୍ତିଯୋଦ୍ଧାଙ୍କ ସହିତ ଅସଦାଚରଣ କରିଥିବା ମଧ୍ୟ ଅଭିଯୋଗ ହୋଇଛି। ତେବେ ଏ ନେଇ ମୁଖ୍ୟମନ୍ତ୍ରୀ ଷ୍ଟାଲିନ ଟ୍ବିଟ କରି କହିଛନ୍ତି, "ମାସ ମାସ ବିତିଯାଇଥିଲେ ସୁଦ୍ଧା ମହିଳା କୁସ୍ତିଯୋଦ୍ଧାମାନେ ନ୍ୟାୟ ଲାଗି ରାଜରାସ୍ତାରେ ବସିଛନ୍ତି । ହେଲେ ବିଜେପି ନିଜ ଦଳୀୟ ସାଂସଦ ବ୍ରିଜଭୂଷଣଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହିଁ। ଏହା ଅତ୍ୟନ୍ତ ନିନ୍ଦନୀୟ ।"
