ନୂଆଦିଲ୍ଲୀ: ସ୍ବିଜରଲ୍ୟାଣ୍ଡ ଡାଭୋସରେ ହେବାକୁ ଥିବା ବିଶ୍ବ ଅର୍ଥନୀତି ଫୋରମ (WEF) ବାର୍ଷିକ ବୈଠକକୁ ସ୍ଥଗିତ ରଖାଯାଇଛି । ଏହି ବାର୍ଷିକ ସମ୍ମିଳନୀକୁ କୋଭିଡ ସଂକ୍ରମଣ କାରଣରୁ 2022 ମଧ୍ୟଭାଗ ପର୍ଯ୍ୟନ୍ତ ସ୍ଥଗିତ ରଖାଯାଇଛି । ଜାନୁଆରୀରେ ସ୍ୱିଜରଲ୍ୟାଣ୍ଡର ମାଉଣ୍ଟ ରିସର୍ଟ ଡାଭୋସରେ ହେବାକୁ ଯାଉଛି ବୋଲି ଆଜି (ସୋମବାର) ସୋମବାର ଆୟୋଜକମାନେ ସୂଚନା ଦେଇଛନ୍ତି ।
ଓମିକ୍ରନ ସଂକ୍ରମଣ ସାରା ବିଶ୍ବରେ ଏକ ପ୍ରମୁଖ ସମସ୍ୟା ଭାବେ ମୁଣ୍ଡ ଟେକିଥିବା ବେଳେ ଏହି ସଂକ୍ରମଣକୁ ଦୃଷ୍ଟିରେ ରଖି ଏହି ବିଶ୍ବ ସ୍ତରୀୟ ଇଭେଣ୍ଟକୁ ସ୍ଥଗିତ ରଖାଯାଇଥିବା କୁହାଯାଇଛି । 2022 ମସିହାରେ ବାର୍ଷିକ ବୈଠକ ଜାନୁୟାରୀ 17 ତାରିଖରୁ 21 ତାରିଖ ପର୍ଯ୍ୟନ୍ତ ମଧ୍ୟରେ ସ୍ୱିଜରଲ୍ୟାଣ୍ଡର ଡାଭୋସ-କ୍ଲୋଷ୍ଟର୍ସରେ ଅନୁଷ୍ଠିତ ହେବାର ଥିଲା । ଏହା ବର୍ତ୍ତମାନ ସ୍ଥଗିତ ରଖାଯିବା ସହ କୋଭିଡ ସ୍ଥିତିରେ ନିୟନ୍ତ୍ରଣକୁ ଆସିଲେ ୨୦୨୨ ମଧ୍ୟ ଭାଗରେ ଆୟୋଜନ କରିବା ନେଇ ବିଚାର କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
