ଜୟପୁର: ବିମାନରେ କୁଆଁ କୁଆଁ ଡାକ । ବିମାନରେ କନ୍ୟା ସନ୍ତାନକୁ ଜନ୍ମ ଦେଲେ ମହିଳା । ଏ କଥା ଆଶ୍ଚର୍ଯ୍ୟ ଲାଗୁଥିଲେ ବି ସତ । ଆଜି ସକାଳେ ବେଙ୍ଗାଲୁରୁରୁ ଜୟପୁର ଯାଉଥିବା ଇଣ୍ଡିଗୋ ବିମାନ (6E469)ରେ ଜଣେ ମହିଳା ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି ।
ବିମାନରେ ଥିବା ସମସ୍ତ କ୍ରୁ ସଦସ୍ୟଙ୍କ ଓ ସେହି ବିମାନରେ ଥିବା ଜଣେ ଡାକ୍ତରଙ୍କ ସହାୟତାରେ ଶିଶୁକୁ ପ୍ରସବ କରାଇଛନ୍ତି ମହିଳା । ଜୟପୁର ବିମାନବନ୍ଦରର ପହଞ୍ଚିବା କ୍ଷଣି ଉଭୟ ମହିଳା ଓ ଶିଶୁକୁ ହସ୍ପିଟାଲରେ ଭର୍ତ୍ତି କରାଯାଇଛି ।
ଉଭୟ ଶିଶୁ ଓ ମହିଳାଙ୍କ ସ୍ବାସ୍ଥ୍ୟବସ୍ଥା ଭଲ ଥିବା କହିଛନ୍ତି ବିମାନରେ ଯାତ୍ରା କରୁଥିବା ଡାକ୍ତର ସୁବାହାନା ନାଜିର । ମହିଳାଙ୍କୁ ସାହାଯ୍ୟ କରିଥିବାରୁ ଜୟପୁର ବିମାନବନ୍ଦରରେ ଡାକ୍ତରଙ୍କୁ ଶୁଭେଚ୍ଛା ପ୍ରଦାନ କରାଯାଇଛି । ବିମାନଟି ବେଙ୍ଗାଲୁରୁରୁ ପ୍ରାୟ ସକାଳ 5.45ରେ ବାହାରି ସକାଳ 8 ଟାରେ ଜୟପୁରରେ ଅବତରଣ କରିଥିଲା ।
ବ୍ୟୁରୋ ରିପୋର୍ଟ, ଇଟିିଭି ଭାରତ
