ଚେନ୍ନାଇ: ପ୍ରଥମ ଥର ପାଇଁ ତାମିଲନାଡ଼ୁ ମୁଖ୍ୟମନ୍ତ୍ରୀ ମଙ୍ଗ ଧରିବାକୁ ଯାଉଛନ୍ତି ଡିଏମକେ ସଭାପତି ଏମକେ ଷ୍ଟାଲିନ । ବର୍ତ୍ତମାନ ସୁଦ୍ଧା 63ଟି ଆସନରେ ବିଜୟ ହାସଲ କରିଛି । ଏକ ବୃହତ ବିଜୟ ହାସଲ କରିବା ଦିଗରେ ଅଗ୍ରସର ହେଉଛି ଡିଏମକେ । ତେବେ ବୃହତ ବଜିୟ ଦଳ ଉପରେ କୌଣସି ଅଧିକ ପ୍ରଭାବ ପକାଇବ ନାହିଁ । ଏଭଳି ମନ୍ତବ୍ୟ ଦେଇଛନ୍ତି ଡିଏମକେ ଦଳ ମୁଖ୍ୟ ପ୍ରବକ୍ତା ଏସ ଆନ୍ନାଦୁରାଇ ।
ତାମିଲନାଡ଼ୁରେ ବିଜୟ ଧ୍ବଜା ଉଡ଼ାଇବା ପୂର୍ବରୁ ପ୍ରତିକ୍ରିୟା ଦେଇଛନ୍ତି ଡିଏମକେ ଦଳ ମୁଖ୍ୟ ପ୍ରବକ୍ତା ଏସ ଆନ୍ନାଦୁରାଇ । ସେ କହିଛନ୍ତି ଯେ, "ତାମିନାଡୁ଼ରେ ବିଧାନସଭା ନିର୍ବାଚନରେ ବିଜୟ ବ୍ୟବଧାନ ଗୁରୁତ୍ବପୂର୍ଣ୍ଣ ନୁହେଁ । ଡିଏମକେର ପ୍ରଚେଷ୍ଟାରେ ଦଳ ଉନ୍ନତି ପଥରେ ଆଗେଇବ । ବୃହତ ବ୍ୟବଧାନରେ ବିଜୟ ହାସଲ କଲେ ମଧ୍ୟ ମୁଖ୍ୟମନ୍ତ୍ରୀଙ୍କୁ ତାଙ୍କ ଅଧିକାରଠୁ ଅଧିକ ଶକ୍ତି ମିଳିବ ନାହିଁ । ଲୋକଙ୍କ ସରକାର ଗଢ଼ିବା ପରେ ଲୋକଙ୍କ ମୌଳିକ ସମସ୍ୟା ସମାଧାନ ଦିଗରେ ବିଶେଷ ଧ୍ୟାନ ଦିଆଯିବ।"
