ବେଙ୍ଗାଲୁରୁ: ସୁଟ୍କେଶରେ ବେଆଇନ ଭାବେ ବନ୍ୟଜନ୍ତୁ ତଥା ସରିସୃପ ଚୋରା ଚାଲାଣ ବେଳେ ଧରିଲା ପୋଲିସ । ବ୍ୟାଙ୍କ୍କରୁ ଯାତ୍ରୀ ଜଣକ ବନ୍ୟଜନ୍ତୁ ତଥା ସରିସୃପ ଚୋରାଚାଲାଣ କରି ବେଙ୍ଗାଲୁରୁ କେମ୍ପେଗୌଡ଼ା ବିମାନ ବନ୍ଦରରେ ପହଞ୍ଚି ଯାଇଥିଲା । ତେବେ ଏହାକୁ ବିମାନ ବନ୍ଦରରୁ ବାହାରକୁ ନେବାକୁ ଉଦ୍ୟମ ବେଳେ କଷ୍ଟମ ଅଧିକାରୀଙ୍କ ହାତରେ ଧରା ପଡ଼ିଛନ୍ତି ସମ୍ପୃକ୍ତ ବ୍ୟକ୍ତିତ୍ୱ । ଅଭିଯୁକ୍ତଠାରୁ ଜୀବନ୍ତ ନାଗ ସାପ, ଅହିରାଜ ସହ 78ଟି ବନ୍ୟ ଜନ୍ତୁ ଚୋରାଚାଲାଣ ଉଦ୍ୟମ । ବେଙ୍ଗାଲୁରୁ କେମ୍ପେଗୌଡା ଅନ୍ତର୍ଜାତୀୟ ବିମାନବନ୍ଦରରୁ ଚୋରା ଚାଲାଣକାରୀକୁ ଗିରଫ କରିଛି ବେଙ୍ଗାଲୁରୁ କଷ୍ଟମ ଅଧିକାରୀ ।
ସୂଚନା ଅନୁଯାୟୀ, ଗୁରୁବାର(ସେପ୍ଟେମ୍ବର 7) ରାତି 10.30 ବେଳେ କର୍ଣ୍ଣାଟକର ବେଙ୍ଗାଲୁରୁ ସ୍ଥିତ କେମ୍ପେଗୌଡା ଅନ୍ତର୍ଜାତୀୟ ବିମାନବନ୍ଦରରେ ଯାତ୍ରୀଙ୍କ ସୁଟକେଶ ଯାଞ୍ଚ କରାଯାଉଥିଲା । ଏହି ସମୟରେ ଜଣେ ଯାତ୍ରୀଙ୍କ ସୁଟ୍କେଶରେ ପାଖାପାଖି 17ଟି ନାଗ ସାପ, 55ଟି ଅହିରାଜ, 6ଟି କ୍ୟାପୁଚିନ ମାଙ୍କଡ ଥିବା ଜାଣିବାକୁ ପାଇଥିଲେ କଷ୍ଟମ ଅଧିକାରୀ । ଯାତ୍ରୀ ଜଣକ ଏୟାର ଏସିଆ ବିମାନ ଏଫ୍ଡି 137ରେ ବ୍ୟାଙ୍କ୍କରୁ ବେଙ୍ଗାଲୁରୁ ଆସିଥିଲେ ।
ଏହାମଧ୍ୟ ପଢନ୍ତୁ.. Gold Seized: ଅଢେଇ କେଜି ସୁନା ବିସ୍କୁଟ ଜବତ, ସ୍ମଗଲର ଗିରଫ
ଏହି ଜୀବଗୁ଼ଡ଼ିକର ସୁରକ୍ଷା ପାଇଁ ସ୍ୱତନ୍ତ୍ର ଆଇନର ପ୍ରାବଧାନ ରହିଥିବା ବେଳେ କେଉଁ ପରିସ୍ଥିିତିରେ ଏମାନଙ୍କୁ ଧରାଯାଇ ଚୋରାଚାଲାଣ କରାଗଲା ତାହାର ଅଧିକ ତଦନ୍ତ ଜାରି ରଖିଛି ପୋଲିସ । ବନ୍ୟପ୍ରାଣୀ ସୁରକ୍ଷା ଆଇନ 1975 ଅନୁଯାୟୀ ଜବତ ହୋଇଥିବା ସମସ୍ତ ଜୀବଗୁଡ଼ିକୁ ବ୍ୟାଙ୍କ୍କ ପଠାଇ ଦିଆଯାଇଛି ।
