ହାଇଦ୍ରାବାଦ: ହାଇଦ୍ରାବାଦ ଜୁବଲି ହିଲ୍ସରେ ନାବାଳିକା ଗଣଦୁଷ୍କର୍ମ(Hyderabad minor girl rape case) ଘଟଣା । ଇଂରାଜୀ ଫିଲ୍ମ ଏବଂ ସିରିଜରୁ ଅନୁପ୍ରାଣିତ ହୋଇ ନାବାଳିକାଙ୍କୁ ଦୁଷ୍କର୍ମ କରିଥିଲେ ଅଭିଯୁକ୍ତ । ଯାହାକି ତଦନ୍ତ ବେଳେ ନିଜେ ଅଭିଯୁକ୍ତ ନାବାଳକମାନେ ପୋଲିସ ଆଗରେ ପ୍ରକାଶ କରିଛନ୍ତି । ଅଭିଯୁକ୍ତଙ୍କ କହିବାନୁଯାୟୀ, ପରୀକ୍ଷା ସରିଯିବା ପରେ ସେମାନେ ପୁରା ଫ୍ରି ହୋଇଯାଇଥିଲେ । ସେଥିପାଇଁ ଅନେକ ସମୟରେ ପବ୍ ଯାଉଥିଲେ ଏବଂ ପାର୍ଟି କରୁଥିଲେ ।
ଦୁଷ୍କର୍ମ ଘଟିବା ଦିନ ମଧ୍ୟ ସେମାନେ ପବ୍ ଯାଇଥିଲେ । ସେଠାରେ ସେମାନେ ପୀଡିତା ଓ ତାଙ୍କ ବନ୍ଧୁଙ୍କୁ ଭେଟିଥିଲେ । କିଛି ସମୟ କଥାବାର୍ତ୍ତା ପରେ ସେମାନଙ୍କ ସହ ଡେଟରେ ଯିବାକୁ ଚାହିଁଥିଲେ ନାବାଳକ । ହେଲେ ଦୁଇ ଝିଅ ହସି ଦେଇଥିଲେ । ଏହାପରେ ଅଭିଯୁକ୍ତ ନାବାଳକମାନେ ସେମାନଙ୍କ ସହ ବାହାରକୁ ଯିବାକୁ କହିବାରୁ ଦୁଇ ନାବାଳିକା ତାଙ୍କୁ ଗାଳି କରି ସେଠାରୁ ଚାଲି ଯାଇଥିଲେ ।
ଯେଉଁଥିରେ ରାଗି ଯାଇ ଅଭିଯୁକ୍ତମାନେ ଦୁହିଁଙ୍କୁ ପିଛା କରିଥିଲେ । ଅଧାବାଟରେ ନାବାଳିକାଙ୍କ ବନ୍ଧୁ ନିଜ ଘରକୁ ଚାଲିଯିବା ପରେ ତାଙ୍କୁ ଘରେ ଛାଡି ଦେବାକୁ କହି ଅଭିଯୁକ୍ତମାନେ ନିଜ ଗାଡିରେ ବସାଇଥିଲେ ଏବଂ ତାଙ୍କ ସହ ଦୁଷ୍କର୍ମ କରିଥିଲେ । ଇଂରାଜୀ ଫିଲ୍ମ ଓ ସିରିଜ ଦେଖି ଏବଂ ସେଥିରୁ ଅନୁପ୍ରାଣିତ ହୋଇ ଏହି ଦୁଷ୍କର୍ମ କରିଥିବା କହିଛନ୍ତି ଦୁଇ ଅଭିଯୁକ୍ତ । ବର୍ତ୍ତମାନ ଏହି ଘଟଣାରେ ପୋଲିସ ତଦନ୍ତ ଜାରି ରଖିଛି । ଏହି ମାମଲାରେ ୫ ଜଣ ଅଭିଯୁକ୍ତଙ୍କୁ ଗିରଫ ହୋଇଛି । ପୋଲିସ ଅଧିକ ପ୍ରମାଣ ଏକଜୁଟ କରିବାରେ ଲାଗିପଡିଛି ।
