ହସ୍ପିଟାଲରୁ ଡିସଚାର୍ଜ ହେଲେ ସମସ୍ତ 41 ଶ୍ରମିକ, କାଲି ଓଡିଶା ପହଞ୍ଚିବେ ୫ ଓଡିଆ ଶ୍ରମିକ

41 Rescued workers discharged: ଉତ୍ତରକାଶୀ ଟନେଲରୁ ଉଦ୍ଧାର ହୋଇଥିବା 41 ଶ୍ରମିକଙ୍କୁ ଏମ୍ସକୁ କରାଗଲା ଡିସଚାର୍ଜ । କାଲି ସୁଦ୍ଧା ନିଜ ନିଜ ଗୃହ ରାଜ୍ୟରେ ପହଞ୍ଚିବେ । ଓଡିଶାରୁ ରହିଛନ୍ତି 5 ଜଣ । ଅଧିକ ପଢନ୍ତୁ

ଡେରାଡୁନ: ଉତ୍ତରାଖଣ୍ଡର ସିଲକ୍ୟାରା ଟନେଲରୁ ଉଦ୍ଧାର ହୋଇ ହସ୍ପିଟାଲରେ ଭର୍ତ୍ତି ହୋଇଥିବା ସମସ୍ତ 41 ଜଣ ଶ୍ରମିକଙ୍କୁ ଆଜି ଡିସଚାର୍ଜ କରାଯାଇଛି । ସେମାନେ ଏବେ ସେମାନଙ୍କ ଗୃହ ରାଜ୍ୟକୁ ଫେରୁଛନ୍ତି । ସେମାନଙ୍କ ଫେରିବା ପାଇଁ ସମସ୍ତ ଖର୍ଚ୍ଚ ଉତ୍ତରାଖଣ୍ଡ ସରକାର ବହନ କରିବା ନେଇ ଘୋଷଣା ମଧ୍ଯ କରିଛନ୍ତି । 28 ତାରିଖ ବିଳମ୍ବିତ ସଂଧ୍ୟାରେ ସମସ୍ତଙ୍କୁ ଉଦ୍ଧାର କରାଯିବା ପରେ ଉତ୍ତରକାଶୀ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ଅଧିକ ସ୍ବାସ୍ଥ୍ୟ ପରୀକ୍ଷା ପାଇଁ ଋଷିକେଶ ଏମ୍ସକୁ ଏୟାରଲିଫ୍ଟ କରାଯାଇଥିଲା । ତେବେ ୫ ଓଡିଆ ଶ୍ରମିକ ଆସନ୍ତାକାଲି ଓଡିଶାରେ ପହଞ୍ଚିବେ ।

• #WATCH | Rishikesh, Uttarakhand: Workers rescued from Silkyara Tunnel have been discharged from the hospital today and are leaving for their home states.
  
  Officials from various states have reached here to facilitate their return to their home states. pic.twitter.com/6kpBnP7l0v

  — ANI (@ANI) November 30, 2023 " class="align-text-top noRightClick twitterSection" data="

  #WATCH | Rishikesh, Uttarakhand: Workers rescued from Silkyara Tunnel have been discharged from the hospital today and are leaving for their home states.
  
  Officials from various states have reached here to facilitate their return to their home states. pic.twitter.com/6kpBnP7l0v

  — ANI (@ANI) November 30, 2023

  ">

  #WATCH | Rishikesh, Uttarakhand: Workers rescued from Silkyara Tunnel have been discharged from the hospital today and are leaving for their home states.
  
  Officials from various states have reached here to facilitate their return to their home states. pic.twitter.com/6kpBnP7l0v

  — ANI (@ANI) November 30, 2023

28 ତାରିଖ ରାତିରେ ସେମାନଙ୍କୁ ଉଦ୍ଧାର ପରେ ଉତ୍ତରକାଶୀ ହସ୍ପିଟାଲରେ ରଖାଯାଇଥିଲା । ଗତକାଲି ସେମାନଙ୍କୁ ଋଷିକେଶ ସ୍ଥିତ ଅଖିଳ ଭାରତୀୟ ଆର୍ୟୁବିଜ୍ଞାନ ସଂସ୍ଥାନ (ଏମ୍ସ) କୁ ସ୍ଥାନାନ୍ତର କରାଯାଇଥିଲା । ସେମାନଙ୍କ ନିକଟରେ କୌଣସି ଜଟିଳ ସ୍ବାସ୍ଥ୍ୟଗତ ସମସ୍ୟା ନାହିଁ । ଆଜି ସେମାନଙ୍କ ଏକ୍ସ-ରେ, ବ୍ଲଡ ପ୍ରେସର ଓ ଇସିଜି ଆଦି କରାଯାଇଥିଲା । ସମସ୍ତେ ସ୍ବାଭାବିକ ଥିବା ସ୍ପଷ୍ଟ ହୋଇଥିଲା । ସେମାନେ କେବଳ କିଛି ଘଣ୍ଟା ଡାକ୍ତରୀ ନୀରିକ୍ଷଣରେ ରହିବା ପରେ ଡିସଚାର୍ଜ ଅନୁମତି ପାଇଛନ୍ତି ।

ଏହି 41 ଶ୍ରମିକଙ୍କ ମଧ୍ୟରେ ସର୍ବାଧିକ 15 ଝାଡଖଣ୍ଡରୁ ଥିବା ବେଳେ ଓଡିଶାରୁ 5 ଜଣ, ଉତ୍ତର ପ୍ରଦେଶରୁ 8 ଜଣ, ପଶ୍ଚିମବଙ୍ଗରୁ 3 ଜଣ, ଉତ୍ତରାଖଣ୍ଡ ଓ ଆସାମରୁ 2 ଜଣ ଲେଖାଏଁ ଓ ହିମାଚଳ ପ୍ରଦେଶରୁ ଜଣେ ଶ୍ରମିକ ରହିଛନ୍ତି । ଏହି ସମସ୍ତ ରାଜ୍ୟର ଶ୍ରମମନ୍ତ୍ରୀ ଓ ଶ୍ରମ ବିଭାଗର ଅଧିକାରୀ ଉତ୍ତରାଖଣ୍ଡ ଗସ୍ତ କରିଥିଲେ । ଓଡିଶାରୁ ଶ୍ରମମନ୍ତ୍ରୀ ସାରଦା ପ୍ରସାଦ ନାୟକ ସିଲକ୍ୟାରା ଗସ୍ତ କରି ଉଦ୍ଧାର କାର୍ଯ୍ୟର ସମୀକ୍ଷା କରିଥିଲେ । ଉଦ୍ଧାର ଅପରେସନ ସଫଳ ହେବା ପରେ ଉତ୍ତରକାଶୀ ହସ୍ପିଟାଲରେ ଓଡିଆ ଶ୍ରମିକଙ୍କୁ ଭେଟି ଆଲୋଚନା କରିଥିଲେ ଶ୍ରମମନ୍ତ୍ରୀ । ଆସନ୍ତାକାଲି ସୁଦ୍ଧା ସମସ୍ତ ଓଡିଆ ଶ୍ରମିକ ରାଜ୍ୟରେ ପହଞ୍ଚିବା ନେଇ ଆଶା କରାଯାଉଛି ।

ଚଳିତମାସ 12 ତାରିଖରେ ଭୂସ୍ଖଳନ ହେବା କାରଣରୁ ଏହି ଶ୍ରମିକମାନେ ଟନେଲ ମଧ୍ୟରେ ଫସି ରହିଥିଲେ । ସେମାନଙ୍କୁ ଉଦ୍ଧାର କରିବା ପାଇଁ ଦୀର୍ଘ 17 ଦିନ ସମୟ ଲାଗିଥିଲା । ପ୍ରଥମେ ହରିଜେଣ୍ଟାଲ ଡ୍ରିଲିଂ ଓ ଏହା ଫେଲ ମାରିବା ପରେ ଭର୍ଟିକାଲ ଡ୍ରିଲିଂ ଆରମ୍ଭ ହୋଇଥିଲା । ଏହା ପରେ ରାଟ ମାଇନିଂ ପ୍ରକ୍ରିୟାରେ ଖୋଳା ଯାଇଥିଲା । ତେବେ 28 ତାରିଖ ସଂଧ୍ଯାରୁ ଶ୍ରମିକଙ୍କୁ ଉଦ୍ଧାର କରାଯିବା ପ୍ରକ୍ରିୟା ଆରମ୍ଭ ହୋଇଥିଲା । କିଛି ଘଣ୍ଟା ମଧ୍ୟରେ ସମସ୍ତ 41 ଜଣ ଶ୍ରମିକଙ୍କୁ ଉଦ୍ଧାର କରାଯାଇ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଥିଲା । ଏବେ ସମସ୍ତ ଶ୍ରମିକ ସୁରକ୍ଷିତ ସେମାନଙ୍କ ପରିଜନଙ୍କ ନିକଟକୁ ଫେରିବାକୁ ଯାଉଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ