ଲକ୍ଷ୍ନୌ: ଉତ୍ତର ପ୍ରଦେଶରେ ମହିଳାଙ୍କୁ ଦୁଷ୍କର୍ମ ଧମକ ଦେଇଥିବା ମହନ୍ତ ବଜରଙ୍ଗ ମୁନି ଗିରଫ । ଗତକାଲି ବଜରଙ୍ଗ ମୁନିକୁ ଗିରଫ କରିଛି ଲକ୍ଷ୍ନୌ ପୋଲିସ । ମହନ୍ତ ବଜରଙ୍ଗ ମୁନି ଦାସ ଗତ ଏପ୍ରିଲ ୨ ତାରିଖରେ ଘୃଣ୍ୟ ଭାଷଣ ଦେବା ସହ ଦୁଷ୍କର୍ମ ଧମକ ଦେଇଥିଲେ । ତେବେ ୧୧ ଦିନ ପରେ ତାଙ୍କୁ ଗିରଫ କରାଯାଇଛି ।
- — Sitapur Police (@sitapurpolice) April 13, 2022 " class="align-text-top noRightClick twitterSection" data="
— Sitapur Police (@sitapurpolice) April 13, 2022
">— Sitapur Police (@sitapurpolice) April 13, 2022
ସୂଚନାଅନୁସାରେ, ୟୁପି ଖୈରାବାଦ ସହରର ମହର୍ଷି ଶ୍ରୀ ଲକ୍ଷ୍ମଣ ଦାସ ଉଦାସୀନ ଆଶ୍ରମର ମହନ୍ତ ବଜରଙ୍ଗ ମୁନି ଦାସ ଗତ ଏପ୍ରିଲ ୨ ତାରିଖରେ ଘୃଣ୍ୟ ଭାଷଣ ଦେବା ସହ ଦୁଷ୍କର୍ମ ଧମକ ଦେଇଥିବା ଅଭିଯୋଗ ହୋଇଥିଲା । ସୋସିଆଲ ମିଡିଆରେ ଏହାର ଭିଡିଓ ସାମ୍ନାକୁ ଆସିବା ପରେ ଏହାକୁ କେନ୍ଦ୍ର କରି ବିବାଦ ଆରମ୍ଭ ହୋଇଥିଲା । ପୋଲିସ ତୁରନ୍ତ ମହନ୍ତଙ୍କ ବିରୋଧରେ କେସ୍ ରୁଜୁ କରି ତଦନ୍ତ ଆରମ୍ଭ କରିଥିଲା ।
ମାମଲା ରୁଜୁ ହେବା ମାତ୍ରେ ମହନ୍ତ ବଜରଙ୍ଗ ମୁନି ନିଜ ଆଶାଳୀନ ବୟାନ ପାଇଁ କ୍ଷମା ମାଗିଥିଲେ । ଜାତୀୟ ମହିଳା ଆୟୋଗ ଏହି ମାମଲାରେ ହସ୍ତକ୍ଷେପ କରି ଅଭିଯୁକ୍ତ ଦାସଙ୍କୁ ଗିରଫ କରିବାକୁ ୟୁପି ପୋଲିସକୁ ନିର୍ଦ୍ଦେଶ ଦେଇଥିଲେ । ଗତକାଲି ମହନ୍ତ ବଜରଙ୍ଗଙ୍କୁ ଲକ୍ଷ୍ନୌ ପୋଲିସ ଗିରଫ କରିଛି ।
