ଶ୍ରୀନଗର: ଆତଙ୍କୀ ବିରୋଧୀ ଅଭିଯାନରେ ସେନାକୁ ସଫଳତା । ଜମ୍ମୁ କାଶ୍ମୀରର ବାରମୁଲ୍ଲା ଜିଲ୍ଲାର ସୋପୋରରୁ Letର ଦୁଇ ଆତଙ୍କୀଙ୍କୁ (Hybrid Terrorists) ଗିରଫ କରିଛି ମିଳିତ ସୁରକ୍ଷା ଦଳ । ସେମାନଙ୍କ ନିକଟରୁ ଏକାଧିକ ମାରଣାସ୍ତ୍ର ସହ ଗୁଳିଗୋଳା ଜବତ କରାଯାଇଥିବା ପୋଲିସ ତରଫରୁ ସୂଚନା ମିଳିଛି ।
ସୂଚନା ଅନୁସାରେ, ଜମ୍ମୁ କାଶ୍ମୀରର ସୋପୋରରେ ଆତଙ୍କୀ ଲୁଚି ରହିଥିବା ନେଇ ଏକ ବିଶେଷ ସୂତ୍ରରୁ ସେନାକୁ ଖବର ମିଳିଥିଲା । ଏହାପରେ ଡାଙ୍ଗିୱାଚା ଅଧୀନରେ ଥିବା ହାଡିପୋରା ରାଫିଆବାଦରେ ସେନା ଏବଂ CRPF ମିଳିତ ଭାବେ ନାକା ବନ୍ଦୀ କରିଥିଲେ । ଏହି ସମୟରେ ଲୋରିହାମା ଲିଙ୍କ୍ ରାସ୍ତାରୁ ହାଡିପୋରା ଅଭିମୁଖେ ଆସୁଥିବା ଦୁଇଜଣ ସନ୍ଦିଗ୍ଧ ବ୍ୟକ୍ତିଙ୍କୁ ଅଟକାଇଥିଲେ । କିନ୍ତୁ ସେନାଙ୍କୁ ଦେଖି ଘଟଣାସ୍ଥଳରୁ ଖସିଯିବାକୁ ଚେଷ୍ଟା କରିଥୁବା ବେଳେ ଉଭୟଙ୍କୁ ଗିରଫ କରାଯାଇଥିଲା ।
ସେମାନଙ୍କ ନିକଟରୁ ଦୁଇଟି ପିସ୍ତଲ ଏବଂ ଦୁଇଟି ପିସ୍ତଲ ପତ୍ରିକା ଜବତ କରାଯାଇଛି । ତେବେ ଗିରଫ ୨ ଆତଙ୍କୀ LeTର ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି । ଉଭୟ ସାଧାରଣଜନତା ଓ ସୁରକ୍ଷାବାହିନୀ ଉପରେ ଆକ୍ରମଣ କରିବାକୁ ଯୋଜନା କରୁଥିଲେ । ପୋଲିସ ଏକ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି ।
