ବେଙ୍ଗାଲୁରୁ : ବିବାହ ପୂର୍ବରୁ ଫଟୋ ସୁଟ କରାଇବାବେଳେ ନଦୀରେ ବୁଡ଼ି ପ୍ରାଣ ହରାଇଲେ ବର କନ୍ୟା । ତିରୁମାକୁଡାଲୁ ନରସିପୁରା ତାଲୁକର ତଲକାଡୁ ଗାଁ ନିକଟ କାବେରୀ ନଦୀରେ ଫଟୋ ସୁଟ କରାଉଥିବାବେଳେ ଏହି ଅଭାବନୀୟ ଘଟଣା ଘଟିଛି ।
ନଭେମ୍ବର 22 ତାରିଖରେ ଚନ୍ଦ୍ରୁ ଓ ଶଶିକଳାଙ୍କ ବିବାହ ହେବା ନେଇ ସ୍ଥିରୀକୃତ ହୋଇଥିଲା । ବିବାହ ସ୍ମୃତିକୁ ସାଇତି ରଖିବା ପାଇଁ ଉଭୟ ପ୍ରି-ୱେଡିଂ ଫଟୋ ସୁଟ କାବେରୀ ନଦୀରେ କରାଇବାକୁ ନିଷ୍ପତ୍ତି ନେଇଥିଲେ । ନଦୀରେ ପ୍ରି ଫଟୋ ସୁଟ ଚାଲିଥିବା ବେଳେ ହଠାତ ଶଶିକଳା ଭାରସାମ୍ୟ ହରାଇ ନଦୀରେ ପଡିଯାଇଥିଲେ । ଶଶିକଳାଙ୍କୁ ବଞ୍ଚାଇବାକୁ ଯାଇ ଚନ୍ଦ୍ରୁ ମଧ୍ୟ ନଦୀକୁ ଖସି ପଡ଼ିଲେ । ଉଭୟ ପହଁରା ଜାଣି ନଥିବାରୁ ନଈରେ ବୁଡି ଯାଇଥିଲ ।
ଅଗ୍ନିଶମ ବାହିନୀ ସହାୟତାରେ ଉଭୟଙ୍କ ମୃତଦେହ ଉଦ୍ଧାର କରାଯାଇଥିଲା । ଉଭୟ ବର ଓ କନ୍ୟାଙ୍କ ପରିବାରରେ ଶୋକର ଛାୟା ଖେଳିଯାଇଛି । ତଲକାଡ଼ୁ ପୋଲିସ ଘଟଣାସ୍ଥଳରେ ପହଞ୍ଚି ଥାନା ଏକ ମାମଲା ରୁଜୁ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
