ନୂଆଦିଲ୍ଲୀ: ଦେଶରେ କମୁଛି କୋରୋନା ସଂକ୍ରମଣ । ସ୍ବାସ୍ଥ୍ୟ ବିଭାଗର ରୀତିମତ କୋରୋନା ସାମ୍ପଲ ଟେଷ୍ଟ କାରଣରୁ ଏହା ଉପରେ ଅଙ୍କୁଶ ଲାଗିପାରିଛି । ହେଲେ ବର୍ତ୍ତମାନ ପ୍ରତ୍ୟେକ ଦିନ 40 ହଜାରରୁ ଉର୍ଦ୍ଧ୍ବ ପଜିଟିଭ କେସ ରିପୋର୍ଟ ହେଉଛି ।
ତେବେ ଇଣ୍ଡିଆନ କାଉନସିଲ ଅଫ ମେଡିକାଲ(ଆଇସିଏମଆର) ରିସର୍ଚ୍ଚ ମୁତାବକ, ଗତ 24 ଘଣ୍ଟାରେ 10 ଲକ୍ଷ 96 ହଜାର 651 ଟି ଟେଷ୍ଟ କରାଇଛି । ଯାହାକୁ ମିଶାଇ ଡିସେମ୍ବର 1 ସୁଦ୍ଧା 14 କୋଟି 24 ଲକ୍ଷ 45 ହଜାର 949ଟି କୋଭିଡ ଟେଷ୍ଟ ସରିଛି।
କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ଅନୁସାରେ, ଗତ 24 ଘଣ୍ଟାରେ 36 ହଜାର 604 ଟି ନୂଆ ପଜିଟିଭ କେସ ରିପୋର୍ଟ ହୋଇଛି। ସେଥିମଧ୍ୟରୁ 501 ଜଣ ଆକ୍ରାନ୍ତଙ୍କର ମୃତ୍ୟୁ ହୋଇଛି ।
