ରାଞ୍ଚି: ଝାଡଖଣ୍ଡ ବୋକାରୋ ଜିଲ୍ଲାରେ ଏକ ବଡ଼ ଅଘଟଣ ଘଟିଛି । ସ୍କୁଲ ପରିସରରେ ବଜ୍ରପାତ ହେବା ଫଳରେ ପ୍ରାୟ 30ଜଣ ଛାତ୍ରଛାତ୍ରୀ ଆହତ ହୋଇଛନ୍ତି । ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କୁ ମଧ୍ୟରୁ ଜଣେ ଛାତ୍ରୀଙ୍କ ସ୍ବାସ୍ଥ୍ୟାବସ୍ଥା ଗମ୍ଭୀର ମଧ୍ୟ ରହିଥିବା ନେଇ ସୂଚନା ମିଳିଛି ।
ମିଳିଥିବା ସୂଚନା ଅନୁସାରେ, ଆଜି (ଶନିବାର) ଅପରାହ୍ନରେ ଜୈନମୋଡରେ ବାନ୍ଧଡିରେ ଅବସ୍ଥିତ ଏକ ମଧ୍ୟମ ବିଦ୍ୟାଳୟ ପରିସରରେ ବଜ୍ରପାତ ହୋଇଥିଲା । ବିଦ୍ୟାଳୟର କ୍ଲାସ ଜାରି ରହିଥିବା ବେଳେ ଶ୍ରେଣୀଗୃହରେ ଛାତ୍ରଛାତ୍ରୀ ମଧ୍ୟ ଉପସ୍ଥିତ ଥିଲେ । ହଠାତ ବଜ୍ରପାତ ହେବା ଫଳରେ ପ୍ରାୟ 30 ଜଣ ଛାତ୍ରଛାତ୍ରୀ ଆହତ ହୋଇଥିଲେ । ଛାତ୍ରାଛାତ୍ରୀଙ୍କ ଶରୀର ଆଶିଂକ ଜଳି ଯାଇଥିବା ମଧ୍ୟ ସୂଚନା ରହିଛି । ଚିକିତ୍ସା ଜାରି ରହିଥିବା ହସ୍ପିଟାଲ କର୍ତ୍ତୁପକ୍ଷଙ୍କ ଠାରୁ ମିଳିଥିବା ସୂଚନା ଅନୁସାରେ ଜଣେ ଛାତ୍ରୀର ଅବସ୍ଥା ଗମ୍ଭୀର ରହିଛି । ତାଙ୍କୁ ବୋକାରୋ ଜେନେରାଲ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଘଟଣା ପରେ ଅଭିଭାବକଙ୍କ ମଧ୍ୟରେ ଭୟ ଦେଖିବାକୁ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
