ଭୋପାଳ: ମଧ୍ୟପ୍ରଦେଶ ହଜାରିବାଗ ଜିଲ୍ଲାରେ ଅଭାବନୀୟ ଘଟଣା । ଭାରସାମ୍ୟ ହରାଇ ଓଲଟି ପଡିଲା ଗ୍ୟାସଟ୍ୟାଙ୍କର (Gas Tanker Overturned ) । ଟ୍ୟାଙ୍କର ଓଲଟି ନିଆଁ ଲାଗିବାରୁ ୩ ଜଣ ଜୀବନ୍ତ ଦଗ୍ଧ ହୋଇଥିବା ସୂଚନା । ଜିଲ୍ଲାର ଚୌପାରଣ ପୋଲିସ ଷ୍ଟେସନ ଅଞ୍ଚଳର ଡନୁଆ ଘାଟିରେ ଏହି ଘଟଣା ଘଟିଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ତେବେ ଉଦ୍ଧାର ସମୟରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଥିବାରୁ ତାଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି ।
ସ୍ଥାନୀୟ ଲୋକଙ୍କ କହିବା ଅନୁୟାୟୀ ଗତାକାଲି ରାତିରେ ଏକ ଗ୍ୟାସ ଭର୍ତ୍ତି ଟ୍ୟାଙ୍କର୍ ଓଲଟି ପଡିଥିଲା । ଟ୍ୟାଙ୍କରଟି ଓଲଟି ପଡ଼ିବା ମାତ୍ରେ ଏହା ବିସ୍ଫୋରଣ ହୋଇ ନିଆଁ ଲାଗିଯାଇଥିଲା । ନିଆଁର ମାତ୍ରା ଏତେ ଭୟଙ୍କର ଥିଲା ଯେ ରାସ୍ତାରେ ଥିବା ଅନ୍ୟ ଯାନବାହାନରେ ମଧ୍ୟ ନିଆଁ ଲାଗିଯାଇଥିଲା । ଫଳରେ ସୂଚନା ପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲା । ଏନେଇ ପ୍ରଶାସନ ତରଫରୁ ଘଟଣାସ୍ଥଳରୁ ୧୦ କିଲୋମିଟର ଅଞ୍ଚଳକୁ ପ୍ରଶାସନ ତରଫରୁ ସିଲ କରାଯାଇଛି । ଏହି ଘଟଣାରେ ଜଣେ ବ୍ୟବସାୟୀ ବାବଲୁ ଯାଦବ ଜୀବନ୍ତ ଦଗ୍ଧ ହୋଇଥିବା ବେଳେ ତାଙ୍କ ପରିବାର ଲୋକେ କ୍ଷତିପୂରଣ ପାଇଁ ଦାବି କରିଛନ୍ତି ।
