ହାଇଦ୍ରାବାଦ: ସାଧାରଣତଃ କାହାର ଗାଡ଼ି ଚୋରି ହେଲେ ସେ ପୋଲିସ ନିକଟରେ ଅଭିଯୋଗ କରେ । ହେଲେ ଯଦି ସମାନ ଘଟଣା ପୋଲିସ ସହିତ ଘଟିବ ତାହାଲେ ? ଏପରି ଘଟଣା ତେଲେଙ୍ଗାନା ସୁରୟାପେଟ ଅଞ୍ଚଳରେ ଘଟିଛି । ଏଠାରେ ପୋଲିସ ପାଟ୍ରୋଲିଂ ବ୍ୟବହାର କରୁଥିବା ଯାନକୁ କେହି ଚୋରି (Thief stolen a Police vehicle in the Suryapeta ) କରିନେଇଥିବା ବେଳେ ତାହା ଏକ ମଦ ଦୋକାନରେ ମିଳିଛି ।
କେହି ଅଜଣା ଦୁର୍ବୃତ୍ତ ଟାଉନ ପୋଲିସର ଯାନ (TS 09 PA 0658)କୁ ସୁରୟାପେଟ ବସଷ୍ଟାଣ୍ଡ ନିକଟରୁ ଚୋରି କରିଥିଲା । ଗତ ବୁଧବାର ଏହି ଘଟଣା ଘଟିଥିଲା । ଏହି ଯାନକୁ ଖୋଜିବା ଲାଗି ପୋଲିସ ଏକ ସର୍ଚ୍ଚ ଅପରେସନ ଆରମ୍ଭ କରିଥିଲା । ଅନେକ ସମୟ ଯାଞ୍ଚ କରିବା ପରେ ପୋଲିସ କୋଡ଼ାଡା ଅଞ୍ଚଳରେ ଯାନକୁ ଠାବ କରିଛି । ଜିଲ୍ଲାରେ ଦ୍ବିତୀୟ ଥର ଲାଗି ଏଭଳି ଘଟଣା ଘଟିଥିବା ବେଳେ ଦୁର୍ବୃତ୍ତ ଧରିବା ଲାଗି ପୋଲିସ ଅଭିଯାନ ଜାରି ରଖିଛି ।
ଏହା ବି ପଢନ୍ତୁ- ୮ବର୍ଷ ନାବାଳିକାକୁ ଦୁଷ୍କର୍ମ ଓ ହତ୍ୟା ଅଭିଯୋଗ, ୧୪ବର୍ଷ ନାବାଳକ ଗିରଫ
କିଏ କେତେବେଳେ ପୋଲିସ ଯାନକୁ ଚୋରି କରିଛି ତାହା ଜଣାପଡ଼ିନାହିଁ । ଏଭଳି ଦୁଃସାହସିକ କାର୍ଯ୍ୟ କରିଥିବା ଦୁର୍ବୃତ୍ତକୁ ଖୋଜୁଛି ପୋଲିସ । ପୋଲିସ ଉକ୍ତ ଦୁର୍ବୃତ୍ତକୁ ଖୁବଶୀଘ୍ର ଗିରଫ ବୋଲି କହିଛି ।
