ରାୟପୁର: ଛତିଶଗଡର ନାରାୟଣପୁର ଅଞ୍ଚଳର ଏକ ରାସ୍ତା କଡରୁ ଆଇଡି ଉଦ୍ଧାର କରିଛି ସୁରକ୍ଷା ବଳ । ଏକ ଟିଫିନରେ ଉକ୍ତ ଆଇଡିକୁ ବିସ୍ଫୋରଣ ପାଇଁ ରାସ୍ତାରେ ଖଞ୍ଜା ଯାଇଥିବାବେଳେ ଆଇଟିବିପିର ଯବାନମାନେ ତାହା ସଫଳତାର ସହ ଉଦ୍ଧାର କରିଛନ୍ତି । ଆଇଟିବିପିର 53 ବାଟାଲିୟନ ସ୍ଥାନୀୟ ଅଞ୍ଚଳରେ ସୁରକ୍ଷା ବ୍ୟବସ୍ଥା ଯାଞ୍ଚ କରୁଥିବାବେଳେ ଏହାକୁ ଠାବ କରିବା ସହ ଉଦ୍ଧାର କରିବାରେ ସଫଳ ହୋଇଛି ।
ଗତ ସପ୍ତାହରେ ଛତିଶଗଡର ବିଜାପୁର ଜଙ୍ଗଲରେ ମାଓବାଦୀଙ୍କ ନାରକୀୟ କାଣ୍ଡ ପରେ ଛତିଶଗଡର ସମ୍ବେଦନଶୀଳ ସ୍ଥାନ ଗୁଡିକରେ ସୁରକ୍ଷା ବ୍ୟବସ୍ଥାକୁ କଡାକଡି ଯାଞ୍ଚ କରାଯାଉଛି । ଏହି ଆଇଡିକୁ ସଫଳ ଉଦ୍ଧାର ଫଳରେ ବଡ ଧରଣର ଅଘଟଣକୁ ଏଡା ଯାଇପାରିଛି ।
@ ANI
