ଚେନ୍ନାଇ: ତାମିଲନାଡ଼ୁ ଭୋଟ ଗଣତି କେନ୍ଦ୍ରରେ ହିଂସାକାଣ୍ଡ । ରାଜ୍ୟର ସାତ୍ତୁର ଭୋଟ ଗଣତି କେନ୍ଦ୍ରରେ ଏଭଳି କିଛି ଦୃଶ୍ୟ ସାମ୍ନାକୁ ଆସିଛି । ରାଜ୍ୟର ଦୁଇ ପ୍ରମୁଖ ରାଜନୈତିକ ଦଳ କର୍ମୀର ଏଏମଏମକେ ଓ ଏଆଇଡିଏମକେ ସଦସ୍ୟଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ହୋଇଛି । ଅରୁପକୋଟ୍ଟାଇର ଏଆଇଡିଏମକେ ବିଧାନସଭା ପ୍ରାର୍ଥୀ ଅରୁପକୋଟ୍ଟାଇ ଏହି ଭୋଟ ଗଣତି କେନ୍ଦ୍ରକୁ ଅଚାନକ ପଶି ଆସିଥିଲେ। ଏହାପରେ ଦୁଇ ଦଳୀୟକର୍ମୀଙ୍କ ମଧ୍ୟରେ ହୋଇଥିବା ତୁମୁଳ କାଣ୍ଡ ।
ଅରୁପକୋଟ୍ଟାଇ ଭୋଟ ଗଣତି କେନ୍ଦ୍ରକୁ ଯିବା ପରେ ଏଏମଏମକେ ଦଳ ସଦସ୍ୟ ଏହାକୁ ବିରୋଧ କରିଥିଲେ । ଭୋଟ ଗଣତି କେନ୍ଦ୍ରରେ ଦୁଇ ଦଳ ହାତାହାତୀ ହେବାକୁ ପଛାଇ ନଥିଲେ । ପୋଲିସ ଘଟଣାସ୍ଥଳରେ ଉପସ୍ଥିତ ରହିଥିଲେ ସୁଦ୍ଧା ଏଭଳି ଏକ ଘଟଣା ରୋକିବାରେ ଅସଫଳ ହୋଇଥିଲା । ଏହି ସଂଘର୍ଷରେ ଏଏମଏମକେର ଥିରୁମାଲାଇରଞ୍ଜନଙ୍କ ସାର୍ଟକୁ ଚିରି ପକାଇଥିଲେ ଏଆଇଡିଏମକେ ସଦସ୍ୟ।
ବର୍ତ୍ତମାନ ଭୋଟ ଗଣତି କେନ୍ଦ୍ରରେ ଚାପା ଉତ୍ତେଜନା ଲାଗି ରହିଛି । ଏହାଦ୍ବାରା ଭୋଟ ଗଣତିରେ ବାଧା ଉତ୍ପନ୍ନ ହୋଇଛି । ତାମିଲନାଡ଼ୁରେ ଡିଏମକେ ଦଳ 135ଟି ବିଧାନସଭା ଆସନରେ ଆଗୁଆ ରହିଛି । ତା ପଛକୁ ଶାସକ ଏଆଇଡିଏମକେ ଦଳ 88 ବିଧାନସଭା ଆସନରେ ଆଗୁଆ ରହିଛି । ଭୋଟ ଗଣତି ଆରମ୍ଭ ହେବାପରେ ତାମିଲନୁାଡ଼ୁ ମୁଖ୍ୟମନ୍ତ୍ରୀ କେ ପଲାନିସ୍ବାମୀ ସାଲେମ ଜିଲ୍ଲାର ଏଡାପାଦୀ ବିଧାନସଭା ଆସନରେ ଆଗୁଆ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
