ନୂଆଦିଲ୍ଲୀ: ସୁପ୍ରିମକୋର୍ଟ ଆଜି(ଶୁକ୍ରବାର) ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (AIIMS) କୁ INI CET 2021 ପରୀକ୍ଷା ସ୍ଥଗିତ ରଖିବାକୁ ନିର୍ଦ୍ଦେଶ ଦେଇଛନ୍ତି । ଏହି ପରୀକ୍ଷା ଜୁନ 16ରେ କରିବା ପାଇଁ ନିଷ୍ପତ୍ତି ନିଆଯାଇଥିଲା ମାତ୍ର କୋଭିଡ ମହାମାରୀକୁ ଦୃଷ୍ଟିରେ ରଖି ଏହାକୁ ମାସେ ପାଇଁ ସ୍ଥଗିତ ରଖାଯାଇଛି ।
ଜଷ୍ଟିସ୍ ଇନ୍ଦିରା ବାନାର୍ଜୀ ଏବଂ ଏମଆର ଶାହାଙ୍କ ଖଣ୍ଡପୀଠ ଦ୍ବାରା ଏହି ଶୁଣାଣି କରାଯାଇଛି । 26 ଡାକ୍ତରଙ୍କ ଆବେଦନ ଉପରେ ଏହି ନିର୍ଦ୍ଦେଶ ଦିଆଯାଇଛି। ମେଡିସିନ୍ ଓ ସ୍ନାତକ ଅଧ୍ୟୟନ ପାଇଁ AIIMS, JIPMER, PGIMER ଓ NIMHANS ଆଡମିଶନ ପାଇଁ INI CET ପରୀକ୍ଷା କରାଯାଏ । ପ୍ରକାଶଥାଉକି, ଅନେକ ଡାକ୍ତରଙ୍କ ଟୀକାକରଣ ହୋଇନାହିଁ । ପରୀକ୍ଷା କରିବା ସେମାନଙ୍କ ଜୀବନ ପ୍ରତି ବିପଦ ଆଣିପାରେ ବୋଲି ଏହାକୁ ବିରୋଧ କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
