କୋଲକାତା: ପଶ୍ଚିମବଙ୍ଗରେ ବନ୍ଦେ ଭାରତ ଏକ୍ସପ୍ରେସ ଉପରକୁ ପଥର ମାଡ଼ ଥମିବାର ନାଁ ନେଉନାହିଁ । ଉଦଘାଟନ ପରଠାରୁ ୩ରୁ ୪ ଥର ପଥରମାଡ ହୋଇଖିବା ବେଳେ ଗତକାଲି(ଶନିବାର) ପୁଣି ପଥର ମାଡ ହୋଇଛି । ଏନେଇ ପୂର୍ବ ରେଳ ବିଭାଗର ମୁଖ୍ୟ ଜନସମ୍ପର୍କ ଅଧିକାରୀ ସୂଚନା ଦେଇଛନ୍ତି । ଜଲପାଇଗୁଡିରୁ ହାଓ୍ବଡା ଆସୁଥିବା ସମୟରେ ମୁର୍ସିଦାବାଦ ଜିଲ୍ଲାର ଫରକ୍କା ବ୍ରିଜ ନିକଟରେ କେହି ଅଜଣା ଦୁର୍ବୃତ୍ତ ପଥର ମାଡ କରିଥିବା ବେଳେ ଟ୍ରେନ ଭିତରେ ରହିଥିବା ଯାତ୍ରୀମାନେ ଭୟଭୀତ ହୋଇପଡିଥିଲେ ବୋଲି ବିଭାଗ ପକ୍ଷରୁ କୁହାଯାଇଛି ।
-
#WATCH | West Bengal: Stones pelted at Vande Bharat Express near Farakka last evening; visuals from Howrah station
— ANI (@ANI) March 11, 2023 " class="align-text-top noRightClick twitterSection" data="
This is a very unfortunate incident. It will be investigated. An inquiry has been ordered to investigate it: Kausik Mitra, CPRO, Eastern Railway pic.twitter.com/vUofDaTOgh
">#WATCH | West Bengal: Stones pelted at Vande Bharat Express near Farakka last evening; visuals from Howrah station
— ANI (@ANI) March 11, 2023
This is a very unfortunate incident. It will be investigated. An inquiry has been ordered to investigate it: Kausik Mitra, CPRO, Eastern Railway pic.twitter.com/vUofDaTOgh#WATCH | West Bengal: Stones pelted at Vande Bharat Express near Farakka last evening; visuals from Howrah station
— ANI (@ANI) March 11, 2023
This is a very unfortunate incident. It will be investigated. An inquiry has been ordered to investigate it: Kausik Mitra, CPRO, Eastern Railway pic.twitter.com/vUofDaTOgh
ଦୁର୍ଭାଗ୍ୟଜନକ ଘଟଣା କହିଲେ ରେଳ ଅଧିକାରୀ: ପଥରମାଡ ଫଳରେ ଟ୍ରେନର c13 କୋଚର ଝରକା ଭାଙ୍ଗିଯାଇଥିବା ନେଇ ରେଳ ଅଧିକାରୀ କହିଛନ୍ତି । ତେବେ ଏନେଇ ପୂର୍ବ ରେଳ ବିଭାଗର ମୁଖ୍ୟ ଜନସମ୍ପର୍କ ଅଧିକାରୀ କୌଶିକ ମିତ୍ର କହିଛନ୍ତି, "ଏହା ଅତ୍ୟନ୍ତ ଦୁର୍ଭାଗ୍ୟପୂର୍ଣ୍ଣ ଘଟଣା । ଘଟଣାର ତଦନ୍ତ କରାଯିବ । ଏହାସହ ଭବିଷ୍ୟତରେ ଯେମିତି ଏଭଳି ଆଉଥରେ ନହୁଏ ସେଥିପାଇଁ ଲୋକଙ୍କୁ ଜାଗ୍ରତ କରାଯିବ । ରେଳ ବିଭାଗ ପକ୍ଷରୁ ଘଟଣାର ଯାଞ୍ଚ ପାଇଁ ନିର୍ଦ୍ଦେଶ ଦିଆଯାଇଛି । "
ସନ୍ଧ୍ୟା ୭ଟାରେ ହୋଇଥିଲା ପଥରମାଡ: ସନ୍ଧ୍ୟା ପାଖାପାଖି ୭ଟା ସମୟରେ ଜଲପାଇଗୁଡିରୁ ହାଓ୍ବଡା ଆସୁଥିବା ସମୟରେ ମୁର୍ସିଦାବାଦ ଜିଲ୍ଲାର ଫରକ୍କା ବ୍ରିଜ ନିକଟରେ ପଥର ମାଡ ହୋଇଥିବା ଜଣାପଡିଛି । ଯାତ୍ରୀମାନେ ହାଓ୍ବଡା ଷ୍ଟେସନରେ ରାତି ୧୦ଟା ୩୦ ମିନିଟରେ ପହଞ୍ଚିବା ପରେ ଘଟଣା ସମ୍ପର୍କରେ ଜଣାପଡିଥିଲା । ବନ୍ଦେ ଭାରତ ଟ୍ରେନ ଉପରକୁ ବାରମ୍ବାର ପଥର ମାଡ ହେଉଥିବାରୁ ଡର ଲାଗୁଥିବା କହିଥିଲେ ଯାତ୍ରୀ ।
୩୦ ଡିସେମ୍ବରରେ କରାଯାଇଥିଲା ଉଦଘାଟନ: ପ୍ରକାଶଥାଉକି, ଡିସେମ୍ବର ୩୦ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓ କନଫେରନ୍ସରେ ଏହି ବନ୍ଦେ ଭାରତ ଏକ୍ସପ୍ରେସ୍ପର ଉଦଘାଟନ କରିଥିଲେ । ଏହି ଟ୍ରେନ ହାଓ୍ବଡାରୁ ଜଲପାଇଗୁଡି ମଧ୍ୟରେ ଯାତାୟତ କରୁଛି ।
ଏହା ମଧ୍ୟ ପଢନ୍ତୁ: World Glaucoma Day: ବିଶ୍ବ ଗ୍ଲୁକୋମା ଦିବସରେ ଜାଣନ୍ତୁ କେମିତି ନେବେ ଆଖିର ଯତ୍ନ
ଜାନୁଆରୀ ୯ ତାରିଖ ଦିନ ମଧ୍ୟ ବନ୍ଦେ ଭାରତ ଏକ୍ସପ୍ରେସ ଉପରକୁ ପଥର ମାଡ ହୋଇଥିଲା । ବିହାରର କଟିହାର ବାରସୋଇ ଜଙ୍କସନକୁ ଟ୍ରେନ ଅତିକ୍ରମ କରି ପଶ୍ଚିମବଙ୍ଗର ମାଲଦା ଜିଲ୍ଲାକୁ ପ୍ରବେଶ କରୁଥିବା ସମୟରେ ପଥରମାଡ ହୋଇଥିଲା । ଟ୍ରେନର C-11 କମ୍ପାର୍ଟମେଣ୍ଟରେ ପଥର ବାଜିଥିବା ବେଳେ ଏଥିରେ ଥିବା ଯାତ୍ରୀ ଭୟଭୀତ ହୋଇପଡ଼ିଥିବା ବିଭାଗ ପକ୍ଷରୁ ସୂଚନା ଦିଆଯାଇଥିଲା ।
