ଲକ୍ଷ୍ନୌ: ପ୍ରତାପଗଡ ଜିଲ୍ଲା ମହେଶଗଞ୍ଜ ପୋଲିସ ଷ୍ଟେସନ ଅଞ୍ଚଳରେ ଅବସ୍ଥିତ ହରିକେଶ ଗ୍ରାମ ନିବାସୀ ତଥା ଉତ୍ତର ପ୍ରଦେଶ ସରକାରଙ୍କ ସାମାଜିକ କଲ୍ୟାଣ ବିଭାଗର ସ୍ୱତନ୍ତ୍ର ସଚିବ ରାକେଶ ଶୁକ୍ଲାଙ୍କ ଭାଇ ଅଶ୍ୱିନୀ ଶୁକ୍ଲାଙ୍କୁ ପିଟିପିଟି ହତ୍ୟା ।
ଅଶ୍ୱିନୀଙ୍କ ମୁଣ୍ଡରେ ଗଭୀର ଆଘାତ ଲାଗିଥିବାରୁ ପରିବାର ଲୋକେ ତାଙ୍କୁ ରାୟ ବରେଲିରୁ ରାଜଧାନୀ ଲକ୍ଷ୍ନୌର କେଜିଏମୟୁକୁ ସ୍ଥାନାନ୍ତରିତ କରିଥିବାବେଳେ ଚିକିତ୍ସାଧୀନ ସମୟରେ ତାଙ୍କର ମୃତ୍ୟୁ ଘଟିଥିଲା। ପରିବାର ସଦସ୍ୟ ଏନେଇ ଥାନାରେ ରିପୋର୍ଟ ଦାୟର କରିଛନ୍ତି ।
ତେବେ ଆକ୍ରମଣ କାରଣ ସମ୍ପର୍କରେ ଜଣାପଡି ନଥିବାବେଳେ କୁହାଯାଉଛି ଯେ ଆଜି (ସୋମବାର) ସକାଳେ ଲୋନ ଟଙ୍କା ମାଗିବା ପରେ ସ୍ଥାନୀୟ କିଛି ଯୁବକମାନେ ତାଙ୍କୁ ଆକ୍ରମଣ କରିଥିଲେ। ବିଳମ୍ବିତ ରାତିରେ କେଜିଏମୟୁରେ ଚିକିତ୍ସାଧୀନ ଥିବାବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତେବେ ପୋଲିସ ଅଭିଯୁକ୍ତମାନଙ୍କୁ ଗିରଫ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ `
