ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲା ସହ ଜଡିତ ଡ୍ରଗ୍ସ ଲିଙ୍କ୍ରେ ଗିରଫ ହୋଇଥିବା ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କ ଭାଇ ସୌଭିକ ଚକ୍ରବର୍ତ୍ତୀଙ୍କୁ ମିଳିଛି ଜାମିନ । ସୌଭିକଙ୍କୁ ଜାମିନ ପ୍ରଦାନ କରିଛନ୍ତି ସ୍ବତନ୍ତ୍ର ଏନଡିପିଏସ କୋର୍ଟ ।
ସୌଭିକଙ୍କୁ ମାରାଥନ ଜେରା ପରେ ସେପ୍ଟେମ୍ବର 5 ରେ ଗିରଫ କରିଥିଲା ଏନସିବି । ତେବେ ପାଖାପାଖି 3 ମାସ ପରେ ସୌଭିକଙ୍କୁ ଜାମିନ ମିଳିଛି । ପୂର୍ବରୁ ଏହି ମାମଲାରେ ଗିରଫ ହୋଇଥିବା ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କୁ ମଧ୍ୟ ଜାମିନ ମିଳିସାରିଛି ।
ରିଆ ଚକ୍ରବର୍ତ୍ତୀଙ୍କ ଭାଇଙ୍କ ସମେତ 20 ଜଣଙ୍କ ବିରୋଧରେ ଡ୍ରଗ୍ସ କିଣିବା ଓ ବିକ୍ରି କରିବା ନେଇ ମାମଲା ଦାଏର କରିଥିଲା ଏନସିବି ।
ଡ୍ରଗ୍ସ ଲିଙ୍କ୍ ମାମଲାରେ ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କୁ ମଧ୍ୟ ଗିରଫ କରିଥିଲା ଏନସିବି । ପରେ ତାଙ୍କୁ ଜାମିନ ପ୍ରଦାନ କରାଯାଇଥିଲା । ସୁଶାସନ୍ତ ସିଂହ ରାଜପୁତଙ୍କ ମୃତ୍ୟୁ ପରେ ବଲିଉଡରେ ଡ୍ରଗ୍ସ କାରବାର ନେଇ ତଥାକଥିତ ମାମଲା ସାମ୍ନାକୁ ଆସିଥିଲା । ଏହି ଘଟଣାରେ ଏନସିବି ମାମଲା ରୁଜୁ କରି ଅନେକ ହାଇପ୍ରୋଫାଇଲ ଅଭିନେତା ଓ ଅଭିନେତ୍ରୀଙ୍କୁ ମଧ୍ୟ ପଚରାଉଚୁରା ମଧ୍ୟ କରିଥିଲା । ତେବେ ଏନସିବି ଜେରା କରିଥିବା ଅଭିନେତା ଓ ଅଭିନେତ୍ରୀଙ୍କ ମଧ୍ୟରେ ଦୀପିକା ପାଦୁକୋନ, ସାରା ଅଲ୍ଲୀ ଖାନ, ଶ୍ରଦ୍ଧା କପୁର ଓ ଅର୍ଜୁନ ରାମପାଲଙ୍କ ନାଁ ସାମିଲ ରହିଥିଲା ।
