ଆଜି EDରେ ହାଜର ହେବେ ସୋନିଆ, ଦେଶବ୍ୟାପି ପ୍ରତିବାଦ କରିବ କଂଗ୍ରେସ

ବହୁଚର୍ଚ୍ଚିତ ନ୍ୟାସନାଲ ହେରାଲ୍ଡ ଘୋଟାଲା ମାମଲାରେ ପୁଅ ତଥା କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ପରେ ଆଜି (ଗୁରୁବାର) ଇଡିରେ ହାଜର ହେବେ ପାର୍ଟି ହାଇକମାଣ୍ଡ ସୋନିଆ ଗାନ୍ଧୀ । ଅଧିକ ପଢନ୍ତୁ

ନୂଆଦିଲ୍ଲୀ: ବହୁଚର୍ଚ୍ଚିତ ନ୍ୟାସନାଲ ହେରାଲ୍ଡ ଘୋଟାଲା ମାମଲାରେ ପୁଅ ତଥା କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ପରେ ଆଜି (ଗୁରୁବାର) ଇଡିରେ ହାଜର ହେବେ ପାର୍ଟି ହାଇକମାଣ୍ଡ ସୋନିଆ ଗାନ୍ଧୀ । ରାହୁଲଙ୍କ ପରି ସୋନିଆଙ୍କ ପାଇଁ ମଧ୍ୟ ଦେଶବ୍ୟାପୀ ଦଳ ପ୍ରତିବାଦ କରିବ । ଦିଲ୍ଲୀ ସମେତ ସାରା ଦେଶରେ ପ୍ରଦର୍ଶନ ରଣନୀତି ପ୍ରସ୍ତୁତ କରିଛି ଦଳ । କଂଗ୍ରେସ ନେତାମାନେ ଦିଲ୍ଲୀରେ ସଂସଦ ଭବନରୁ ନେଇ ରାସ୍ତାରେ ବିରୋଧ ପ୍ରଦର୍ଶନ କରିବେ । ରାହୁଲ ଗାନ୍ଧୀ ଇ଼ଡିରେ ହାଜର ହେବା ସମୟରେ ମଧ୍ୟ ସମାନ ପ୍ରତିବାଦ ପ୍ରଦର୍ଶନ କରିଥିଲା କଂଗ୍ରେସ । ରାଜରାସ୍ତା ଜାମ ହୋଇଥିଲା ।

• Congress office HQ in Akbar Road but now closed by shah police…. They know the strength of Congress workers and their commitment. 💪🏻🇮🇳 pic.twitter.com/ftUmLxFP5M

  — Manickam Tagore .B🇮🇳✋மாணிக்கம் தாகூர்.ப (@manickamtagore) July 20, 2022 " class="align-text-top noRightClick twitterSection" data="

  Congress office HQ in Akbar Road but now closed by shah police…. They know the strength of Congress workers and their commitment. 💪🏻🇮🇳 pic.twitter.com/ftUmLxFP5M

  — Manickam Tagore .B🇮🇳✋மாணிக்கம் தாகூர்.ப (@manickamtagore) July 20, 2022

  ">

  Congress office HQ in Akbar Road but now closed by shah police…. They know the strength of Congress workers and their commitment. 💪🏻🇮🇳 pic.twitter.com/ftUmLxFP5M

  — Manickam Tagore .B🇮🇳✋மாணிக்கம் தாகூர்.ப (@manickamtagore) July 20, 2022

ସୋନିଆଙ୍କୁ ସମର୍ଥନ କରି ବିଜେପି ନେତୃତ୍ବଧୀନ ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ ପାଇଁ ନିଷ୍ପତ୍ତି ନେଇଛି ଦଳ । କଂଗ୍ରେସ ନେତା ମନିକାମ ଟାଗୋର ଟ୍ବିଟ କରି କହିଛନ୍ତି ଆକବର ରୋଡରେ କଂଗ୍ରେସ ଅଫିସ ହେଡକ୍ବାର୍ଟର ବର୍ତ୍ତମାନ ଶାହ ପୋଲିସ ଦ୍ବାରା ବନ୍ଦ ହୋଇଛି । ସେମାନେ କଂଗ୍ରେସ କର୍ମୀଙ୍କ ସାମର୍ଥ୍ୟ ଶକ୍ତି ଏବଂ ପ୍ରତିବଦ୍ଧତା ବିଷୟରେ ଜାଣନ୍ତି ବୋଲି କହିଛନ୍ତି ମନିକାମ ଟାଗୋର । ପୋଲିସ ଆକବର ରୋଡରେ ବ୍ୟାରିକେଟ କରି ବନ୍ଦ ରଖିଛି । ରାଜସ୍ଥାନ ମୁଖ୍ୟମନ୍ତ୍ରୀ ଆଶୋକ ଗେହେଲଟ ଏବଂ ଅନ୍ୟ ବରିଷ୍ଠ ଦଳ ନେତା ଏବଂ ସାଂସଦ ଦିଲ୍ଲୀରେ ଉପସ୍ଥିତ ଅଛନ୍ତି । ଆଜି ସନ୍ଧ୍ୟାରେ ସେମାନେ କଂଗ୍ରେସ ନେତା ମଲ୍ଲିକାର୍ଜୁନ ଖାର୍ଗେଙ୍କ ବାସଭବନରେ ବୈଠକ କରିବେ ।

ସୋନିଆଙ୍କ ପୂର୍ବରୁ ଜୁନ ମାସରେ ରାହୁଲ ଗାନ୍ଧିଙ୍କୁ ଇଡି ପଚରାଉଚରା ବେଳେ କଂଗ୍ରେସ ଜବରଦସ୍ତ ପ୍ରଦର୍ଶନ କରି ମୋଦି ସରକାରଙ୍କୁ ଟାର୍ଗେଟ କରିଥିଲା । ​ଅର୍ଥ ହେରଫେର ଅଭିଯୋଗକୁ ଭିତ୍ତିହୀନ ବୋଲି କହିଥିଲା । ଗୁରୁବାର ଦିନ କଂଗ୍ରେସ ସାଂସଦମାନେ ସଂସଦ ଭିତରେ ଓ ବାହାରେ ବିକ୍ଷୋଭ ପ୍ରଦର୍ଶନ କରିବା ବେଳେ ଦଳର ବରିଷ୍ଠ ନେତା ଓ କର୍ମୀମାନେ ଆକବର ରୋଡରେ ଥିବା ମୁଖ୍ୟାଳୟରେ ଏକାଠି ହୋଇ ଇଡି କାର୍ଯ୍ୟାଳୟ ଆଡକୁ ଯିବାକୁ ଚେଷ୍ଟା କରିବେ ।

ଦିଲ୍ଲୀ ସହିତ ଦେଶବ୍ୟାପୀ ବିକ୍ଷୋଭ ପ୍ରଦର୍ଶନ କରିବ କଂଗ୍ରେସ । ରାଜସ୍ଥାନ ଓ ଛତିଶଗତରେ କଂଗ୍ରେସ ସରକାର ଥିବାରୁ ଦୁଇ ରାଜ୍ୟରେ ବିଶାଳ ପ୍ରଦର୍ଶନ ହେବା ଅନୁମାନ କରାଯାଉଛି । ନ୍ୟାସନାଲ ହେରାଲ୍ଡ ମାମଲାରେ ସୋନିଆଙ୍କୁ ଜୁନ 1 ତାରିଖରେ ସମନ ଜାରି କରିଥିବା ପ୍ରବର୍ତ୍ତନ ନିର୍ଦ୍ଦେଶାଳୟ । ଏହାପରେ ସ୍ବାସ୍ଥ୍ୟଗତ ସମସ୍ୟା ପାଇଁ ହାଜର ହେବାକୁ ସମୟ ମାଗିଥିଲେ ସୋନିଆ । ପ୍ରଥମଥର ପାଇଁ ସୋନିଆଙ୍କୁ ପଚରାଉଚରା କରିବ ଇଡି । ପୂର୍ବରୁ ରାହୁଲଙ୍କୁ ଏହି ମାମଲାରେ ଅଲଗା ଅଲଗା ଦିନରେ 50 ଘଣ୍ଟା ପଚରାଉଚରା କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ ।