ନୂଆଦିଲ୍ଲୀ: ସରିଲା ପ୍ରଚାର । ପ୍ରସ୍ତୁତ ନିର୍ବାଚନୀ ମୈଦାନ । ପ୍ରାର୍ଥୀଙ୍କ ହେବ ଭାଗ୍ୟ ନିର୍ଦ୍ଧାରଣ ଆଉ ମତଦାନ କରିବେ ଜନସାଧାରଣ । ପଶ୍ଚିମବଙ୍ଗ ଓ ଆସାମ ପାଇଁ ହେବାକୁ ଥିବା ପ୍ରଥମ ପର୍ଯ୍ୟାୟ ବିଧାନସଭା ନିର୍ବାଚନ ପାଇଁ ଗୁରୁବାର ସରିଛି ପ୍ରଚାର । ଶନିବାର ଅର୍ଥାତ 27 ମାର୍ଚ୍ଚରେ ହେବାକୁ ଯାଉଛି ପ୍ରଥମ ପର୍ଯ୍ୟାୟ ମତଦାନ ।
ପ୍ରଥମ ପର୍ଯ୍ୟାୟରେ ଆସାମର 47 ଓ ପଶ୍ଚିମବଙ୍ଗର 30 ବିଧାନସଭା ଆସନରେ ପଡିବ ଭୋଟ । ଗୋଟିଏ ପକ୍ଷେ ଆସାମରେ ଭାରତୀୟ ଜନତା ପାର୍ଟି ପୁଣିଥରେ କ୍ଷମତାକୁ ଫେରିବାକୁ ପ୍ରୟାସ କରୁଥିବା ବେଳେ ଅନ୍ୟପକ୍ଷେ ପଶ୍ଚିମବଙ୍ଗରେ ତୃମମୂଳ କଂଗ୍ରେସର ମୁଳୋତ୍ପାଟନ କରିବାକୁ ନିଜର ସମସ୍ତ ଶକ୍ତି ଲଗାଇଦେଇଛି ବିଜେପି ।
ପଶ୍ଚିମବଙ୍ଗରେ ପ୍ରଥମ ପର୍ଯ୍ୟାୟରେ 30ଟି ଆସନରେ ଆଦିଦାସୀ ବହୁଳ ପୁରୁଲିଆ, ବାଙ୍କୁରା, ଝାରଗ୍ରାମ, ପୂର୍ବମେଦିନାପୁର ଜିଲ୍ଲା ସାମିଲ ରହିଛି । ଏହି ସମସ୍ତ ଅଞ୍ଚଳରେ ଏକଦା ବାମଦଳର ପ୍ରଭାବ ଅଧିକ ରହିଥିଲା । ଆଉ ଏହି ଅଞ୍ଚଳରେ ହିଁ ବିଜେପି ପକ୍ଷରୁ ଅଧିକ ପ୍ରଚାର ହୋଇଛି ।
କେଉଁ ଆସନରେ ହେବ ମତଦାନ?
ପଶ୍ଚିମବଙ୍ଗ ପ୍ରଥମ ପର୍ଯ୍ୟାୟ ମତଦାନ
| ପତଶପୁର | କାନ୍ଥି ଉତ୍ତର | ଭଗବାନପୁର |
| ଖେଜୁରୀ | କାନ୍ଥି ଦକ୍ଷିଣ | ରାମନଗର |
| ଏଗରା | ଦାନ୍ତନ | ନୟାଗ୍ରାମ |
| ଗୋପିବଲ୍ଲଭପୁର | ଝାରଗ୍ରାମ | କେଶିୟାର |
| ଖଡଗପୁର | ଗାରବେଟା | ସାଲବୋନି |
| ମେଦିନାପୁର | ବିନପୁର | ବନ୍ଦୱାନ |
| ବଳରାମପୁର | ବାଘମୁଣ୍ଡି | ଜୟପୁର |
| ପୁରୁଲିଆ | ମନବଜାର | କାଶିପୁର |
| ପାରା | ରଘୁନାଥପୁର | ସାଲତୋରା |
| ଛତନା | ରାଣୀବନ୍ଧ | ରାଇପୁର |
ଆସାମରେ ପ୍ରଥମ ପର୍ଯ୍ୟାୟ ମତଦାନ
ସେହିପରି ଆସାମର ସୋନିତପୁର, ନଗାଁ, ଗୋଳାଘାଟ, ଜୋରହଟ, ମାଜୁଲି, ଶିବସାଗର, ଚରାଇଦେଓ, ଲକ୍ଷ୍ମୀପୁର, ଢେମାଜି, ଦିବ୍ରୁଗଡ, ତିନସୁକିଆ ଆଦି ଜିଲ୍ଲାର 47ଟି ଆସନରେ ହେବ ମତଦାନ ।
