ହାଇଦ୍ରାବାଦ: ତେଲେଙ୍ଗାନାର କମାରେଡ୍ଡି ଜିଲ୍ଲାର ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି । ଏକ ବୋଲେରୋ ମାଲବାହୀ ଟ୍ରକକୁ ପଛ ପଟୁ ଧକ୍କା ଦେବା ଫଳରେ ଘଟିଛି ଏହି ଦୁର୍ଘଟଣା । ଏଥିରେ ୬ ଜଣଙ୍କର ମୃତ୍ୟୁ ଘଟିଥିବାବେଳେ ୪ ଜଣ ଗୁରୁତର ଆହତ ହୋଇଛନ୍ତି ।
କମାରେଡ୍ଡି ଜିଲ୍ଲା ପେଡ୍ଡାକୋଡାପଗଲ ଡିଭିଜନର ଜଗନ୍ନାଥପଲ୍ଲୀ ନିକଟରେ ଏହି ଘଟିଛି ଏହି ଦୁର୍ଘଟଣା । ଏକ ମାଲବୋଝେଇ ଟ୍ରକଟି ଗେଟ ସମ୍ମୁଖରେ ଠିଆ ହୋଇଥିବାବେଳେ ପଛ ପଟୁ ବୋଲେରୋ ଆସି ଧକ୍କା ଦେଇଥିଲା । ଘଟଣାସ୍ଥଳରେ ବୋଲେରୋ ଡ୍ରାଇଭରର ମୃତ୍ୟୁ ଘଟିଛି । ବୋଲେରୋଟି ବିଚକୁଣ୍ଡାରୁ ପିଟଲମକୁ ଯାତ୍ରା କରୁଥିଲା । ଏହି ଦୁର୍ଘଟଣାରେ ମୋଟ ୬ ଜଣଙ୍କର ମୃତ୍ୟୁ ଘଟିଥିବା ବେଳେ ୪ ଜଣ ଗୁରୁତର ଆହତ ହୋଇଛନ୍ତି ।
ଆହତଙ୍କୁ ବନଶୁୱାଡା ହସ୍ପିଟାଲକୁ ସ୍ଥାନାନ୍ତର କରାଯାଇଛି । ସେପଟେ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି । ଏହି ମୃତକଙ୍କ ମଧ୍ୟରେ ୨ ଜଣ ଶିଶୁ ଥିବା ଜଣାପଡ଼ିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
