ଭୋପାଲ: ମଧ୍ୟପ୍ରଦେଶ ଛିନ୍ଦୱାଡା ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଏଥିରେ 6 ଜଣଙ୍କ ମୃତ୍ୟୁ ଘଟିଥିବାବେଳେ 2 ଜଣ ଗୁରୁତର ଆହତ ହୋଇଛନ୍ତି । ଏ ସମସ୍ତ 8 ଜଣ ଗୋଟିଏ କାରରେ ନାଗପୁରରୁ ଉମରେଥ ଅଭିମୁଖେ ଯାଉଥିଲେ ।
ଏହି ସମୟରେ ପଛରୁ କାରକୁ ଏକ ଟ୍ରକ ଧକ୍କା ଦେବା ଫଳରେ ଘଟଣାସ୍ଥଳରେ 5 ଜଣଙ୍କ ମୃତ୍ୟୁ ଘଟିଛି । ଏଥିସହ ଡାକ୍ତରଖାନାରେ ଜଣଙ୍କର ପ୍ରାଣହାନୀ ଘଟି ଥିବାବେଳେ 2 ଜଣ ଗୁରୁତର ଅବସ୍ଥାରେ ଚିକିତ୍ସିତ ହେୁଛନ୍ତି । ଏନେଇ ଡିଏସପି ସୁଦେଶ ସିଂ ସୂଚନା ଦେଇଛନ୍ତି ।
ଟ୍ରାଫିକ୍ ଡିଏସପି ସୁଦେଶ ସିଂ କହିଛନ୍ତି ଯେ, ଏହି ପରିବାର ନାଗପୁରରୁ ଉମେରେଥକୁ ଏକ କାରରେ ଯାଉଥିଲେ, ଯେଉଁଥିରେ 5 ଜଣ ଶିଶୁ ଏବଂ ଜଣେ ମହିଳାଙ୍କ ସମେତ 2 ଜଣଙ୍କୁ ମିଶାଇ 8 ଜଣ ବସିଥିଲେ । ଗୁରୁବାର ସନ୍ଧ୍ୟା 7 ଟା 45 ରେ ଏହି ଦୁର୍ଘଟଣା ଘଟିଛି । ଦୁର୍ଘଟଣା ଏତେ ଭୟଙ୍କର ଥିଲା ଯେ, ଗାଡିର ପଛ ପଟ ସମ୍ପୂର୍ଣ୍ଣ ଭାଙ୍ଗି ଯାଇ ଖାଲରେ ଓଲଟି ପଡିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
