ଗୌହ୍ବାଟି: ଆସାମ ବିଜେପିରେ ଫାଟ । ବିଜେପି ଛାଡି କଂଗ୍ରେସରେ ଯୋଗ ଦେଲେ ୧୮ ବରିଷ୍ଠ ନେତା । ଏହି ମିଶ୍ରଣ ପର୍ବରେ ଆସାମ ପ୍ରଦେଶ କଂଗ୍ରେସ କମିଟି ସଭାପତି ଭୂପେନ କୁମାର ବୋରା, ଲୋକସଭା ସାଂସଦ ପ୍ରଦ୍ୟୁତ୍ ବୋର୍ଦୋଲୋଇ ଏବଂ ଆସାମ କଂଗ୍ରେସ ବିଧାୟକ ଦଳର ନେତା ଦେବବ୍ରତ ସାଇକିଆ ଉପସ୍ଥିତ ଥିଲେ ।
ଅନ୍ୟପଟେ ଆସାମରେ ହୋଇଥିବା ଛାତ୍ର ସଂଗଠନ ନିର୍ବାଚନରେ କଂଗ୍ରେସର ଛାତ୍ର ସଙ୍ଗଠନ ଭଲ ପ୍ରର୍ଦଶନ କରିଛନ୍ତି । ସେହିପରି ଆସାମ ଲୋକେ ବିଜେପିକୁ ପସନ୍ଦ କରୁନଥିବା କଥା କହିଛନ୍ତି ଭୂପେନ କୁମାର ବୋରା । ଆସାମର ଯୁବପିଢି ବିଜେପି ସରକାରଙ୍କୁ ପସନ୍ଦ କରୁନଥିବା ଏହି ଛାତ୍ର ସଂଗଠନ ନିର୍ବାଚନରୁ ଜଣାପଡୁଛି ବୋଲି ଆସାମ ପ୍ରଦେଶ କଂଗ୍ରେସ କମିଟି ସଭାପତି କହିଛନ୍ତି ।
ତେବେ ଏହି କାରଣରୁ ଆସାମର ବିଭିନ୍ନ ପ୍ରାନ୍ତରୁ ବିଜେପିର ୧୮ ଜଣ ନେତା ଆଜି କଂଗ୍ରେସରେ ଯୋଗ ଦେଇଛନ୍ତି । ଏହା ଆସାମ କଂଗ୍ରେସକୁ ଆହୁରି ଅଧିକ ଶକ୍ତିଶାଳୀ କରିବ ବୋଲି ବୋରା କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
