ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଚାଞ୍ଚଲ୍ୟ । ନିଜ ପିଲାଙ୍କ ଆଗରେ ମହିଳାଙ୍କୁ ହତ୍ୟା କଲା ଦୁର୍ବୃତ୍ତ । ମହିଳାଙ୍କୁ ଗୋଡାଇ ଗୋଡାଇ ଦୁଇ ପିଲାଙ୍କ ଆଗରେ ହତ୍ୟା କରିଛି ଦୁର୍ବୃତ୍ତ । ତେବେ ପଶ୍ଟିମ ଦିଲ୍ଲୀ ଅଞ୍ଚଳରେ ଘଟିଛି ଏହି ନାରକୀୟ ହତ୍ୟାକାଣ୍ଡ । ଏପଟେ ହତ୍ୟାକାଣ୍ଡ ଭିଆଇଥିବା ଅଭିଯୁକ୍ତକୁ ଗିରଫ କରିଛି ପୋଲିସ । ସେହିପରି ଗିରଫ ଅଭିଯୁକ୍ତର ଭରତ ଛଦ୍ମନାମ ଭୈରବ(୨୯) ଏବଂ ତା'ର ଘର ଦିଲ୍ଲୀର ସାଗରପୁର ହୋଇଥିବା ବେଳେ ମହିଳାଙ୍କ ସହ ତା'ର ଅବୈଧ ସମ୍ପର୍କ ଥିଲା ବୋଲି ପୋଲିସ ଆଗରେ କହିଛି ।
ସେହିଭଳି ମୃତ ମହିଳା ତାକୁ ଅଣଦେଖା କରିବାରୁ ସେ ଏହିଭଳି ହତ୍ୟା କରିଛି ବୋଲି ପୋଲିସ ଆଗରେ କହିଛି । ତେବେ ଗତ ଅପ୍ରେଲ ୨୧ ତାରିଖରେ ଘଟିଥିବା ଏହି ହତ୍ୟାକାଣ୍ଡରେ ସିସିଟିଭି ଫୁଟେଜ ଯାଞ୍ଚ କରିଛି ପୋଲିସ । ଏଥିରେ ଅଭିଯୁକ୍ତ ପ୍ରଥମେ ମହିଳାଙ୍କ ଅନୁସରଣ କରିବା ପରେ ଗୋଡାଇ ଗୋଡାଇ ଛୁରାମାଡ କରି ହତ୍ୟା କରିଥିଲା ।
ସୂଚନା ଅନୁସାରେ, ଅପ୍ରେଲ ୨୧ ତାରିଖ ଦିନ ୨ଟା ୧୫ରେ ପଶ୍ଚିମ ଦିଲ୍ଲୀର ସାଗରପୁର ଥିବା ଅଶୋକ ପାର୍କ ନିକଟରେ ମହିଳାଙ୍କୁ ଛୁରାମାଡ କରିଥିଲା । ଏହାପରେ ଲୋକେ ତାଙ୍କୁ ଉଦ୍ଧାର କରି ସ୍ଥାନୀୟ ଡିଡିୟୁ ହସ୍ପିଟାଲ ନେଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ବୋଲି ଦିଲ୍ଲୀ ଡେପୁଟି ପୋଲିସ କମିଶନର ମନୋଜ ସି କହିଛନ୍ତି । ଏପଟେ ମୃତ ମହିଳାଙ୍କ ସ୍ବାମୀ ଅଭିଯୁକ୍ତଙ୍କୁ ଚିହ୍ନଟ କରିବା ସହ ଅଭିଯୁକ୍ତର ନାଁ ମଧ୍ୟ ପୋଲିସକୁ କହିଛନ୍ତି ।
ଅନ୍ୟପଟେ ମହିଳାଙ୍କ ସ୍ବାମୀଙ୍କ ଅଭିଯୋଗ ଆଧାରରେ ପୋଲିସ ୩୦୨ ଧାରା ଅନୁଯାୟୀ ହତ୍ୟା ମାମଲା ରୁଜୁ କରି ଅଧିକ ତଦନ୍ତ କରୁଛି । ସେପଟେ ସ୍ଥାନୀୟ ଲୋକଙ୍କ ବୟାନ ଆଧାରରେ ପୋଲିସ ରବିବାର ଗିରଫ କରିଥିବା ବେଳେ ହତ୍ୟାରେ ବ୍ୟବହୃତ ଛୁରୀକୁ ଜବତ ମଧ୍ୟ କରାଯାଇଛି ।
@IANS
