ୱାସିଂଟନ: ଏୟାରଷ୍ଟ୍ରାଇକରେ ଅଲ-କାଏଦା ନେତାଙ୍କ ମୃତ୍ୟୁ । ସିରିଆରେ ହୋଇଥିବା ଏକ ଡ୍ରୋନ ଆକ୍ରମଣରେ ଅଲ-କାଏଦା ଆତଙ୍କୀ ସଙ୍ଗଠନର ଜଣେ ବରିଷ୍ଠ ନେତା ଆଖି ବୁଜିଛି । ଆମେରିକା Fox News ରିପୋର୍ଟରେ ଏହା କୁହାଯାଇଛି ।
ଗତ ୨୦ ସେପ୍ଟେମ୍ବରରେ ସିରିଆର ଇଡଲିବ ଠାରେ ଆମେରିକା ଏୟାରଷ୍ଟ୍ରାଇକ କରିଥିଲା । ଯେଉଁଥିରେ ଅଲ-କାଏଦା ନେତା ସଲିମ୍ ଅବୁ-ଅହମ୍ମଦ ପ୍ରାଣ ହରାଇଛନ୍ତି । ଫକ୍ସ ନ୍ୟୁଜ ଅନୁସାରେ, ସଲିମ୍ ଟ୍ରାନ୍ସ ରିଜିଓନାଲ ଅଲ-କାଏଦା ଆକ୍ରମଣର ବ୍ଲୁପ୍ରିଣ୍ଟ ପ୍ରସ୍ତୁତ କରିବା ସହ ଏଥିପାଇଁ ଫଣ୍ଡିଂ ଏବଂ ଅନୁମୋଦନ ପାଇଁ ଦାୟୀ ଥିଲା ।
ଏହି ଏୟାର ଷ୍ଟ୍ରାଇକରେ କୌଣସି ନାଗରିକ ମୃତାହତ ହୋଇନଥିବା ଆମେରିକା ସୁରକ୍ଷା ଅଧିକାରୀ ସ୍ପଷ୍ଟ କରିଛନ୍ତି । ଆମେରିକାର ଏହି ଡ୍ରୋନ ଆକ୍ରମଣ ପୂର୍ବରୁ ସେପ୍ଟେମ୍ବର ୧୩ରେ ସିରିଆ-ଇରାକ୍ ସୀମାରେ ଆମେରିକା ବାୟୁସେନାର ଦୁଇଟି କାର ଉପରେ ଏକ ଆକ୍ରମଣ ହୋଇଥିଲା ।
ସୂତ୍ରରୁ ମିଳିଥିବା ସୂଚନା ଅନୁସାରେ, ଇରାକ ଏବଂ ସିରିଆ ସୀମା ମଧ୍ୟରେ ହୋଇଥିବା ଏହି ଏୟାର ଷ୍ଟ୍ରାଇକରେ ଦୁଇଟି କାର୍ ନଷ୍ଟ ହୋଇଛି । ଏହି ଆକ୍ରମଣ ଆମେରିକା ବାୟୁସେନା କରିଥିବା ଅଭିଯୋଗ ହୋଇଛି ।
(ANI)
