ନୂଆଦିଲ୍ଲୀ: ଗିରଫ ହୋଇ ଜେଲରେ ଥିବା ମହାରାଷ୍ଟ୍ରର ଦୁଇ ବରିଷ୍ଠ ନେତା ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖ ଓ ଏନସିପିର ବରିଷ୍ଠ ନେତା ନଓ୍ବାବ ମଲ୍ଲିକଙ୍କୁ ପୁଣି ସର୍ବୋଚ୍ଚ କୋର୍ଟକୁ ଝଟକା । ବିଧାନ ପରିଷଦ ନିର୍ବାଚନ (MLC election) ରେ ଭୋଟ ଦେବା ପାଇଁ ଉଭୟ କରିଥିବା ଅସ୍ଥାୟୀ ଜାମିନ ଆବେଦନକୁ ଖାରଜ କରିଛନ୍ତି ସର୍ବୋଚ୍ଚ ନ୍ୟାୟାଳୟ ।
ଆଜି ଜଷ୍ଟିସ ସି.ଟି ରବି କୁମାର ଓ ସୁଧାଂଶୁ ଧୁଲିଆଙ୍କୁ ନେଇ ଗଠିତ ଖଣ୍ଡପୀଠ ଏହି ଆବେଦନର ଶୁଣାଣି କରିିଥିଲେ । ଭାରତୀୟ ସମ୍ବିଧାନର ଧାରା 62 (5) ଅନୁସାରେ ଯେକୌଣସି ବ୍ୟକ୍ତି ଜେଲରେ ଥିବା ସମୟରେ କୌଣସି ପ୍ରକାର ନିର୍ବାଚନରେ ମତଦାନ ପାଇଁ ବେଲ ମଞ୍ଜୁରୀ ନପାଇବାର ପ୍ରାବଧାନ ରହିଛି । ତେଣୁ ଉଭୟଙ୍କୁ ଜାମିନ ପ୍ରଦାନ କରାଯାଇପାରିବ ନାହିଁ ବୋଲି ଖଣ୍ଡପୀଠ ଶୁଣାଣିରେ କହିଥିଲେ ।
ନିକଟରେ ବମ୍ବେ ଉଚ୍ଚ ନ୍ୟାୟାଳୟ ଦ୍ବାରସ୍ଥ ହୋଇ ମତଦାନ ପାଇଁ ଅସ୍ଥାୟୀ ଭାବେ ବେଲ ଆବେଦନ କରିଥିଲେ ଉଭୟ ନେତା ଦେଶମୁଖ ଓ ମଲ୍ଲିକ । ବମ୍ବେ ହାଇକୋର୍ଟରେ ମାମଲା ଖାରଜ ହେବା ପରେ ଉକ୍ତ ରାୟକୁ ସର୍ବୋଚ୍ଚ କୋର୍ଟରେ ଉଭୟଙ୍କ ପକ୍ଷରୁ ଚ୍ୟାଲେଞ୍ଜ ମଧ୍ୟ କରାଯାଇଥିଲା । ତେବେ ସର୍ବୋଚ୍ଚ କୋର୍ଟ ମଧ୍ୟ ଆବେଦନକୁ ଖାରଜ କରିଛି । ଆର୍ଥିକ ଠକେଇ ମାମଲାରେ ଉଭୟଙ୍କୁ ଗିରଫ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିଥିଲା । ଏକାଧିକ ଥର ଜାମିନ ଖାରଜ ହେବା ପରେ ଦୁଇ ନେତା ବର୍ତ୍ତମାନ ଜେଲରେ ଅଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
