ମୁମ୍ବାଇ: ମହାରାଷ୍ଟ୍ରରେ ଘଟିଛି ଏକ ଆଶ୍ଚର୍ଯ୍ୟ ଜନକ ଘଟଣା । ଯାହା ଜାଣିଲେ ଆପଣ ମଧ୍ୟ ଚମକି ପଡିବେ। ମନୁଷ୍ୟ ମନୁଷ୍ୟକୁ ହତ୍ୟା କରିବା ବା ମନୁଷ୍ୟ ପଶୁକୁ ହିଂସା ପରାୟଣ ହୋଇ ହତ୍ୟା କରିଥିବା ଘଟଣା ଆପଣ ଶୁଣିଥିବେ । ହେଲେ ଏବେ ପଶୁବି ପ୍ରତିଶୋଧ ପରାୟଣ ହୋଇ ପଶୁକୁ ହତ୍ୟା କରିଛି । ମାଙ୍କଡମାନଙ୍କର ଏକ ଗୋଷ୍ଠୀ ପ୍ରାୟ ୨୫୦ କୁକୁର ଛୁଆଙ୍କୁ ହତ୍ୟା କରିଛନ୍ତି (monkey kill dogs in Maharashtra )। ଫଳରେ ୨ ମାଙ୍କଡ ହତ୍ୟାକାରୀଙ୍କୁ କାବୁ କରିଛି ବନବିଭାଗ । ମହାରାଷ୍ଟ୍ରର ବିଡ ଜିଲ୍ଲାର ମଜଲଗାଁରେ ଏହି ଘଟଣା ଘଟିଥିବା ବେଳେ ଏହାର ଏକ ଭିଡିଓ ମଧ୍ୟ ଭାଇରାଲ ହୋଇଛି ।
ଭିଡିଓରେ ଦେଖିବାକୁ ମିଳିଥିଲା ଯେ ମାଙ୍କଡଗୋଷ୍ଠୀ କୁକୁର ଛୁଆଙ୍କୁ ଧରି ଗଛ ଓ କୋଠାକୁ ଡେଇଁ ଝୁଲିବା ପରେ ତଳକୁ ଫୋପାଡି ଦେଉଛି । ଫଳରେ କୁକୁର ଛୁଆଙ୍କର ମୃତ୍ୟୁ ହୋଇଛି । ତେବେ ଗ୍ରାମର କିଛି ଲୋକ କୁକୁରଙ୍କୁ ମାଙ୍କଡଙ୍କ କବଳରୁ ରକ୍ଷା କରିବା ପାଇଁ ଉଦ୍ୟମ ମଧ୍ୟ କରିଥିଲେ । ତେବେ ମାଙ୍କଡଙ୍କ ଏଭଳି କାଣ୍ଡ ଯୋଗୁଁ ଗ୍ରାମରେ ଏବେ ଗୋଟିଏ ବି କୁକୁର ଛୁଆ ନଥିବା ଏକ ମିଡିଆ ରିପୋର୍ଟରୁ ଜଣାପଡିଛି ।
