ଜୟପୁର: ହରିୟାଣା ସୀମାରେ ଥିବା ସାରଜାହାଁପୁର ନିକଟରେ ଦିଲ୍ଲୀ- ଜୟପୁର ଜାତୀୟ ରାଜପଥ ଅବରୋଧ କଲେ ଆନ୍ଦୋଳନରତ ଚାଷୀ । ଫଳରେ ହାଇଓ୍ବେରେ ଗାଡି ଚଳାଚଳ ବାଧାପ୍ରାପ୍ତ ହେବା ସହ ବହୁ ସଂଖ୍ୟକ ଗାଡି ଅଟକି ରହିଛନ୍ତି । ଗତ 8 ଦିନରୁ ଧାରଣାରେ ବସିଥିବା ଚାଷୀ ଆଜି ଜାତୀୟ ରାଜପଥକୁ ଅବରୋଧ କରିଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ଆନ୍ଦୋଳନରତ କୃଷକଙ୍କ ସହ ଆଲୋଚନା କରୁଥିବା ସୂଚନା ରହିଛି । କିନ୍ତୁ ବର୍ତ୍ତମାନ ସୁଦ୍ଧା ଗାଡି ଚଳାଚଳ ସ୍ବାଭାବିକ ହୋଇନଥିବା ଜଣାପଡିଛି ।
ଫସି ରହିଥିବା ଗାଡି ଗୁଡିକୁ ଅନ୍ୟ ରାସ୍ତା ଦେଇ ଡାଇଭର୍ଟ କରିବାକୁ ଚେଷ୍ଟା କରୁଛି ପୋଲିସ । ଜାଟ ମହାସଭାର ଅଧ୍ୟକ୍ଷ ରାଜାରାମ ମିଲଙ୍କ ନେତୃତ୍ବରେ କୃଷକଙ୍କ ଆନ୍ଦୋଳନ ଚାଲିଥିବାବେଳେ ହଠାତ କୃଷକମାନେ ରାଜରାସ୍ତା ଅବରୋଧ କରିଛନ୍ତି ।
ତେବେ ଏପର୍ଯ୍ୟନ୍ତ କୌଣସି ନିଷ୍କର୍ସ ବାହାରି ପାରିନଥିବା ଯୋଗୁ ଗାଡି ଚଳାଚଳ ବର୍ତ୍ତମାନ ପର୍ଯ୍ୟନ୍ତ ସ୍ବାଭାବିକ ହୋଇପାରିନଥିବାବେଳେ କୃଷକ ମାନଙ୍କ ସହ ଆଲୋଚନା ଜାରି ରଖିଛି ରାଜସ୍ଥାନ ପ୍ରଶାସନ ।
ବ୍ୟୁରୋ ରିପୋର୍ଟ, ଇଟିଭି ଭାରତ
