ହାଇଦ୍ରାବାଦ: ବସନ୍ତର ଆଗମନ ସହ ଚାରିଆଡେ ବହୁଛି ପ୍ରେମର ମଳୟ ପବନ । ମଙ୍ଗଳବାର ଠାରୁ ପ୍ରେମ ସପ୍ତାହ ଆରମ୍ଭ ହୋଇଯାଇଥିବା ବେଳେ ଆଜି ହେଉଛି ଦ୍ବିତୀୟ ଦିନ । ପ୍ରଥମ ଦିନରେ ସରିଛି ଗୋଲାପ ଦିଆନିଆ ସହ ନିଜର ବୋଲି ଜତେଇବାର ପ୍ରକ୍ରିୟା । ଆଜି ହେଉଛି ପ୍ରପୋଜ ଡେ । ଆଜି ଶାଶ୍ବତ, ଚିରନ୍ତନ ପ୍ରେମର କଥା କହିବେ ପ୍ରେମୀ ଯୁଗଳ । ମନର ମଣିଷକୁ ଗୋଲାପ ଦେବା ପରେ ହୃଦୟରେ ସାଇତି ରଖିଥିବା ଅସୁମାରୀ ସ୍ବପ୍ନକୁ କଥାକୁ ଦୁହେଁ ଦୁହିଁଙ୍କ ଆଗରେ କହିବେ । କିଏ ଆଇ ଲଭ ୟୁ କହିବ ତ ଆଉ କିଏ ସାତ ଜନ୍ମର ସାଥି ହେବା ପାଇଁ ପ୍ରଶ୍ନ କରିବେ ।
ପ୍ରେମ କରିବା ସହଜ । କିନ୍ତୁ ପ୍ରେମ ନିବେଦନ କରିବା ବଡ କଷ୍ଟକର କାମ । ସମସ୍ତେ ନିଜ ନିଜ ଜୀବନରେ ପ୍ରେମକୁ ନେଇ ସ୍ବପ୍ନ ଦେଖିଥାନ୍ତି । କିନ୍ତୁ ସ୍ବପ୍ନ ଦେଖୁଥିବା ପ୍ରତ୍ୟେକ ମଣିଷ ପ୍ରେମକୁ ପାଇନଥାନ୍ତି । କାହାକୁ ଅତି ସହଜରେ ସିନା ମନ ଦିଆଯାଇଥାଏ କିନ୍ତୁ ପ୍ରେମ ନିବେଦନ କରିବା ମୁସ୍କିଲ ହୋଇପଡେ । ଅନେକ ଲୋକ ନିଜ ମନକଥା କହିନପାରି ନିଜର ଇପସିତ ପ୍ରେମିକ, ପ୍ରେମିକାକୁ ହରାଇ ବସନ୍ତି । କିନ୍ତୁ ନିଜର ସ୍ବପ୍ନର ରାଜକୁମାର କିମ୍ବା ରାଜକୁମାରୀକୁ ମନ କଥା କହିବା ଆଜି ଶ୍ରେଷ୍ଠ ଦିନ । ନିଜର ସ୍ବପ୍ନର ଜୀବନ ସାଥିକୁ ନିବେଦନ କରିବା ପାଇଁ ଆଜିର ଦିନ ପ୍ରପୋଜ ଡେ ପ୍ରଯୁଜ୍ୟ ।
ଏହା ମଧ୍ୟ ପଢନ୍ତୁ: Rose Day 2023 : ଆରମ୍ଭ ହେଲା ପ୍ରେମର ସପ୍ତାହ, ଗୋଲାପ ଦିବସରେ ପ୍ରେମ ନିବେଦନ
ଆପଣ ନିଶ୍ଚୟ ଦେଖିଥିବେ କିଛି ଲୋକ ପ୍ରେମ କରିବା ସହ ପ୍ରେମର ସ୍ବପ୍ନରେ ହଜିଯାଆନ୍ତି । ପ୍ରେମ ନିବେଦନ କରିବା ପାଇଁ ଅନେକ ଥର ପ୍ରସ୍ତୁତି କରିଥାନ୍ତି କିନ୍ତୁ ସାମ୍ନାକୁ ଗଲେ ସତେ ଯେମିତି ସବୁ ଶବ୍ଦ ବନ୍ଦ ହୋଇଯାଇଥାଏ । ମୁ,ତୁମକୁ, ସେ କହି ଚୁପ ହୋଇଯାଇଥାନ୍ତି । ହେଲେ କିଭଳି ମନ କଥା କହିବେ ଏହି ନିମ୍ନ ଲିଖିତ ବିଷୟ ଉପରେ ଧ୍ୟାନ ଦିଅନ୍ତୁ
- ଆପଣ ଯଦି କାହାକୁ ଭଲ ପାଉଛନ୍ତି କିନ୍ତୁ ନିବେଦନ କରିପାରୁନାହାନ୍ତି ତେବେ ଘର ରାସ୍ତାକୁ ପ୍ରଥମେ ଫୁଲରେ ସଜାନ୍ତୁ ।ଗୋପନୀୟ ଭାବେ ଏହା କରି ସରପ୍ରାଇଜ ଦିଅନ୍ତୁ । ଏଥରେ ପ୍ରେମିକ କିମ୍ବା ପ୍ରେମିକାକୁ ପ୍ରେମରେ କିଛି ଆଭାଷ ମିଳିପାରିବ । ଯଦି ଆପଣଙ୍କ ପ୍ରେମିକ କିମ୍ବା କୌଣସି ଅଫିସରେ କାମ କରୁଛନ୍ତି, ତେବେ ତାଙ୍କର ଯିବା ଏବଂ ଆସିବା ପାଇଁ ଏକ ଡେକୋରେଟ ଗାଡିର ବ୍ୟବସ୍ଥା କରନ୍ତୁ ।
- ଯଦି ଆପଣ ଅଧିକ ଅର୍ଥ ଖର୍ଚ୍ଚ କରିବାକୁ ଚାହୁଁଛନ୍ତି, ତେବେ ବିଜ୍ଞାପନ ହୋର୍ଡିଂରେ ଆପଣ ନିଜ ହୃଦୟର କଥା ଲେଖିପାରିବେ । ଏହାସହ ଆପଣ ଆଜି ନିଜର ମନର ମଣିଷକୁ ତାର ପ୍ରିୟ ସ୍ଥାନକୁ ନେଇ ମନକ କଥା କୁହନ୍ତୁ । ଆପଣଙ୍କୁ ଯଦି ସାମ୍ନାରେ କହିବା ପାଇଁ ଡର ଲାଗୁଛି, ତେବେ ଏକ ସୁନ୍ଦର ଭିଡିଓ ବାର୍ତ୍ତା କିମ୍ବା କବିତା ଆକାରରେ ପ୍ରେମ ନିବେଦନ କରନ୍ତୁ ।
- ଯଦି ଆପଣଙ୍କ ପ୍ରେମିକ କିମ୍ବା ପ୍ରେମିକାକୁ ରୋମାଣ୍ଟିକ ଜିନିଷ ଭଲ ଲାଗେ ତେବେ ମାଉଣ୍ଟେନ କିମ୍ବା ଓ୍ବାଟର ପାର୍କକୁ ନେଇ ପ୍ରେମ ନିବେଦନ କରନ୍ତୁ । ଯଦିଓ ଗ୍ରିଟିଂ କାର୍ଡର ଯୁଗ ପୁରୁଣା ହୋଇଯାଇଛି ତଥାପି ଆଜିର ଦିନରେ ଏହା ରାମବାଣ ଭଳି କାମ କରିବ । ଏକ ସୁନ୍ଦର ବାର୍ତ୍ତା ସହିତ ଏକ ଅଭିବାଦନ କାର୍ଡ ଆପଣଙ୍କ ପ୍ରେମୀଙ୍କ ହୃଦୟକୁ ଛୁଇଁ ପାରିବ । କୋରିୟରରେ କିଛି ଦାମୀ ଗିଫ୍ଟ ପଠାଇ ମଧ୍ୟ ଆପଣ ପ୍ରେମ ନିବେଦନ କରିପାରିବେ ।
- ଆଜିର ଦିନକୁ ପାଳନ କରିବା ପାଇଁ ପ୍ରେମୀ ଯୁଗଳଙ୍କ ମଧ୍ୟରେ ଏକ ଅଲଗା ପ୍ରକାର ଉତ୍ସୁକତା ଦେଖିବାକୁ ମିଳିଥାଏ । କିଏ ଗୀତ ଗାଇ, କିଏ ଆଣ୍ଠୁମାଡି ତ ଆଉ କିଏ ସୁନ୍ଦର ଉପହାର ଦେଇ ପ୍ରେମ ନିବେଦନ କରିଥାନ୍ତି । ବର୍ତ୍ତମାନ ସୋସିଆଲ ମିଡିଆର ଯୁଗ ହୋଇଥିବାରୁ କୌଣସି ସ୍ଥାନକୁ ନଯାଇ ଆଜିକାଲି ଫେସବୁକ, ହାଟ୍ସଆପ ମାଧ୍ୟମରେ ପ୍ରେମ ନିବେଦନ କରିଥାନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
